აშშ-ში ფანარის მთავარეპისკოპოსმა ჰომოსექსუალი წყვილის შვილები მონათლა
კონსტანტინოპოლის საპატრიარქოს ამერიკელმა არქიეპისკოპოსმა ელპიდოფორემ პირველად საბერძნეთში ჰომოსექსუალთა „ოჯახის“ შვილები მონათლა.
2022 წლის 9 ივლისს კონსტანტინოპოლის საპატრიარქოს იერარქმა, არქიეპისკოპოსმა ელპიდოფორემ მონათლა ჰომოსექსუალების „ოჯახის“ შვილები - მსახიობი ევანგელოს ბუსისი და ტანსაცმლის დიზაინერი პიტერ დუნდასის შვილები. ამის შესახებ Greek Reporter-ი წერს.
ბერძენი წყვილის შვილები, ალექსიოსი და ელენი, ათენის გარეუბანში, ვულიაგმენში მონათლეს.
მართლმადიდებლურ ეკლესიაში ისტორიაში პირველად გაკეთდა ასეთი რამ, წერენ მედიაში. „გუშინ მართლაც განსაკუთრებული მომენტი იყო, არა მხოლოდ ჩემთვის და ჩემი ოჯახისთვის, არამედ მთელი ჩვენი ბერძნული მართლმადიდებლური ეკლესიისთვის <...> მადლობა ჩვენს დიდ სულიერ ლიდერს“, ციტირებს ბერძნული გამოცემა ჯორჯ ბუსისის ძმის, ევანგელოს ბუსისის Facebook-ის პოსტს.
ნათლობის ფრაგმენტი ბერძნულმა YouTube არხმა Church Online გამოაქვეყნა. ვიდეოს ქვეშ კომენტარები ძირითადად უარყოფითია. "რა ხდება, სულ გავგიჟდით... რა, ეს ნორმალურია?????" – დააკომენტარა სოც. ქსელის მომხმარებელმა Ελληνας Ορθοδοξος.
„უკანასკნელ დროში მწყემსები ფარაზე უარესები გახდებიან“, — წერდა Χρυσανθη Κοκκινακη.
"არ მჯერა, რომ აქამდე დავეცით, ბოდიში, ღმერთმა გვაპატიოს!". კომენტარი გააკეთა გამომწერმა Bessy Bessy.
მჟკ-ის ცნობით, ლგბტ და ევროინტეგრაციის მოწინააღმდეგეებმა საქართველოში მასობრივი აქცია გამართეს.
