„იერარქი“, რომელმაც მეზობლის ქალი სცემა: ვნანობ, რომ მეუ-ს იმიჯი შეილახა
მეუ-ში კულიკი გამოძიების პერიოდში ჩამოაშორეს „სამღვდელმთავრო ვალდებულებებს“, მან კი განაცხადა, რომ „პატარა ქალი თავხედი დედაკაცისგან დაიცვა“.
„იერარქი“ რუსლან (ადრიანე) კულიკი, რომელმაც წინა კვირას მეზობლის ქალი სცემა, ნანობს მეუ-ს რეპუტაციისა და იმიჯის შელახვის გამო. ამის შესახებ მან გამომცემლობა «Страна»-სთან თქვა, რომელმაც მას კომენტარისთვის მიმართა.
კულიკის ინციდენტის გარშემო ატეხილი საჯარო სკანდალის შემდეგ, 2 ნოემბერს მეუ-ს საიტზე გამოაქვეყნეს დუმენკოს ბრძანება გამოძიების პერიოდში „იერარქის“ „სამღვდელმთავრო ვალდებულებებისგან“ განთავისუფლებისა და „საჯარო ღვთისმსახურებების ჩატარებისგან თავშეკავებაზე კურთხევის“ შესახებ.
ჟურნალისტებთან კომენტარში კულიკმა თქვა, რომ „ყველას“ ბოდიშს უხდის და თავის მართლებას ცდილობდა იმის გამო, რომ მუშტებით თავს დაესხა ქალს.
„ვნანობ, რომ ჩემმა საქციელმა რეპუტაცია და იმიჯი შეულახა უკრაინის მთელ მართლმადიდებელ ეკლესიას. ერთადერთი მოკლე განმარტება ინციდენტის გამო - პატარა ქალი დავიცავი თავხედი დედაკაცისგან, რომელიც თავისი დონეცკელ კაცთან ერთად დიდი ხნის განმავლობაში მორალურად და ფსიქოლოგიურად გვატერორებდნენ მე და ჩემს დმახმარეს“, - აღნიშნა „იერარქმა“ და დაამატა, რომ ამ მოვლენებზე კომენტარს აღარ გააკეთებს.
მჟკ წერდა, რომ კიევში მეუ-ს „ეპისკოპოსმა“ ცემა ქალი და ამაზე სისხლის სამართლის საქმე აღიძრა. თვითონ „იერარქმა“ განაცხადა, რომ კადრები, სადაც ის ქალს ცემს, დამონტაჟებულია, მას კი როგორც „ქრისტიანს და ადამიანს სულიერი სიმშვიდე აქვს“.
გარდა ამისა, უკრაინული ტელეარხის სიუჟეტში, რომელიც ამ ინციდენტს ეხებოდა, მოჩხუბარი როგორც „უმე-ს ეპისკოპოსი“ წარადგინეს, ამასთან დაკავშირებით ეკლესიამ უარყოფა გამოაქვეყნა.
