უუს-მ ზაპოროჟიის მიტროპოლიტი ლუკა ეჭვმიტანილად ცნო
მიტროპოლიტ ლუკას აღკვეთის ღონისძიების არჩევის საკითხი წყდება. მას პატიმრობა ემუქრება.
უკრაინის უსაფრთხოების სამსახურმა უკრაინის მართლმადიდებელი ეკლესიის მიტროპოლიტ ლუკას (კოვალენკო) ეჭვმიტანილის ცნობა გადასცა.
უსაფრთხოების სამსახურის ტელეგრამ-არხზე ნათქვამია, რომ მიტროპოლიტი ლუკა „უკრაინაში რელიგიური სიძულვილის პროვოცირებასა და გაღვივებაშია ეჭვმიტანილი“.
უუს-ს ცნობით, „მიტროპოლიტმა საჯაროდ გამოხატა თავისი ზიზღი სხვა სარწმუნოების მრევლის მიმართ“.
”მან არაერთხელ ახსენა ეს მრევლთან კომუნიკაციისა და საეკლესიო ლიტურგიის დროს”, - წერს უუს.
ასევე, უშიშროების წარმომადგენლების თქმით, ეპისკოპოსმა „პირად ტელეგრამ-არხზე გამოაქვეყნა პროვოკაციული შეტყობინებები, სადაც შეურაცხყოფდა სხვა რელიგიის წარმომადგენლების გრძნობებს“.
ამგვარად, უუს-ს თქმით, „მან შეარყია სოციალურ-პოლიტიკური ვითარება წინა ხაზზე, აგრესორი ქვეყნის სასარგებლოდ“.
დეპარტამენტში განაცხადეს, რომ უსაფრთხოების ძალების მიერ ინიცირებულმა „ექსპერტიზამ“ დაადასტურა მიტროპოლიტ ლუკას მიერ უკრაინის სახელმწიფო უსაფრთხოების წინააღმდეგ დივერსიული ქმედებების ფაქტები.
ყოველივე ამის საფუძველზე, უუს-ის იერარქს ეჭვმიტანილის ცნობა გადასცეს უკრაინის სისხლის სამართლის კოდექსის 161 მუხლის მე-2 ნაწილის მიხედვით. (მოქალაქეთა თანასწორობის დარღვევა მათი რასის, ეროვნების, რეგიონალური კუთვნილების, რელიგიური მრწამსის და სხვა მახასიათებლების მიხედვით).
მისთვის აღკვეთის ღონისძიების არჩევის საკითხი წყდება. გამოძიება გრძელდება, წერს უუს. მიტროპოლიტ ლუკას პატიმრობა ემუქრება.
კომპლექსური ღონისძიებები ჩატარდა უუს-ს თანამშრომლების მიერ კიევის საოლქო პროკურატურის ხელმძღვანელობით.
მჟკ წერდა, რომ უკრაინის უსაფრთხოების სამსახური ჩხრეკის ორდერით მივიდა ზაპოროჟიის მიტროპოლიტ ლუკასთან.
