პაპი დასაშვებად მიიჩნევს ვაქცინის დამზადებას აბორტის მასალის გამოყენებით
აბორტული უჯრედების გამოყენებით დამზადებული COVID-19 საწინააღმდეგო ვაქცინა „ზნეობრივად მისაღებია“, თუ სხვა ხელმისაწვდომი არ არის, განაცხადეს ვატიკანში.
რომის პაპმა ფრანცისკემ მოიწონა საკონფესიო კონგრეგაციის დოკუმენტი, რომელშიც ნათქვამია, რომ ზნეობრივად მისაღებია COVID-19 საწინააღმდეგო ვაქცინები, რომლებიც იწარმოება სააბორტო ნაყოფის უჯრედოვანი ხაზების დახმარებით.
რომის კათოლიკურ ეკლესიაში აღნიშნეს, რომ არ იწონებენ სააბორტო უჯრედების გამოყენებას. ვაქცინა, რომელიც მიღებულია ასეთი ქსოვილების გამოყენებით, დასაშვებია იმ შემთხვევაში, „თუ მიუწვდომელია ეთიკურად უნაკლო COVID-19 საწინააღმდეგო ვაქცინები“, აღნიშნეს ვატიკანის პრეს სამსახურში.
კონგრეგაციის აზრით, ეს ზნეობრივი შეღავათი მოქმედებს იმ ქვეყნებში, სადაც ექიმებისთვის და პაციენტებისთვის მიუწვდომელია სხვა ვაქცინები, ან მათი გავრცელება გართულებულია შენახვისა და ტრანსპორტირების განსაკუთრებული პირობებით, ან „ხელისუფლება ჯანდაცვის სისტემაში არ აძლევს მოქალაქეებს უფლებას თავად აირჩიონ ვაქცინა“.
უკრაინაში ხელისუფლებამ ჯერ არ იცის, რა აცრებს შეთავაზებენ მოქალაქეებს. საქმე იმაშია, რომ მოწოდება COVAX-ის პროგრამით არ ითვალისწინებს კონკრეტული ვაქცინის არჩევას. საზოგადოეწბრივი ჯანმრთელობის ცენტრის გენერალური დირექტორის მოვალეობის შემსრულებელმა იგორ კუზინმა განაცხადა, რომ ზუსტად იქნება ცნობილი, რა ვაქცინა იქნება მოწოდებული უკრაინაში 2021 წლის იანვარში.
როგორც მართლმადიდებელ ჟურნალისტთა კავშირი იუწყებოდა, უკრაინაში განსაზღვრეს მოსახლეობის COVID-19 საწინააღმდეგო ვაქცინაციის ვადები.
