რადას კომიტეტმა ტკაჩენკოს გადადგომას მხარი არ დაუჭირა

ჰუმანიტარული პოლიტიკის კომიტეტმა მხარი არ დაუჭირა კულტურის მინისტრის ალექსანდრე ტკაჩენკოს გადადგომას, განაცხადა კომიტეტის წევრმა, ევროსოლიდარობის დეპუტატმა მიკოლა კნიაჟიცკიმ.

კნიაჟიცკიმ თქვა, რომ მან ხმა მისცა ტკაჩენკოს გადადგომას კომიტეტის წევრებთან ვლადიმერ ვიატროვიჩთან, სოფია ფედინასთან და ჯეო ლეროსთან ერთად. კომიტეტის დანარჩენი წევრები წინააღმდეგი იყვნენ“, - წერს სახალხო დეპუტატი.

თუმცა, პარტია,, გოლოსის’’ დეპუტატმა, იაროსლავ ჟელეზნიაკმა თქვა, რომ ეს კენჭისყრა ხელს არ შეუშლის შერცხვენილი მინისტრის თანამდებობიდან გადაყენებას. უკვე არაერთი შემთხვევა ყოფილა, როცა მინისტრის გადადგომამდე შესაბამისი კომიტეტი რეკომენდაციას კი არ აკეთებს, არამედ გადაწყვეტილებას დარბაზში განსახილველად წარადგენს, აღნიშნა მან.

„აქედან გამომდინარე, ჰუმანიტარული კომიტეტის ეს გადაწყვეტილება ხსნის გზას საკითხის დარბაზში გადატანისკენ. პლენარულ დარბაზში ბატონ ტკაჩენკოს გაათავისუფლებენ“, - წერს სახალხო დეპუტატი.

შეგახსენებთ, 20 ივლისს პრეზიდენტმა ვოლოდიმირ ზელენსკიმ პრემიერ-მინისტრს კულტურის მინისტრ ტკაჩენკოს შემცვლელის პოვნა შესთავაზა. პრეზიდენტის თქმით, ომის პირობებში სახელმწიფოს მაქსიმალური ყურადღება და რესურსები თავდაცვის საჭიროებებზე უნდა იყოს მიმართული. კულტურული პროექტებისთვის კი გარე-საბიუჯეტო სახსრები უნდა მოიძიონ.

როგორც მჟკ იტყობინება, ტკაჩენკომ პრეზიდენტის გამოსვლის შემდეგ გადადგომის შესახებ განცხადება დაწერა.