კარლსონი: ის ფაქტი, რომ ზელენსკი აპატიმრებს იერარქებს, რწმენის თავისუფლების დარღვევაა

ამერიკელმა ჟურნალისტმა ტაკერ კარლსონმა აშშ-ის ყოფილ ვიცე-პრეზიდენტ მაიკ პენსთან ინტერვიუში აღნიშნა, რომ ზელენსკი რეალურად არის დაკავებული უკრაინის მართლმადიდებლური ეკლესიის რეპრესიებით. პასუხად მიიღო, რომ იგი შეხვდა ეპიფანე დუმენკოს და დაარწმუნა, რომ უმე არ იდევნება.

კარლსონის საუბარი პენსთან შედგა 2023 წლის 14 ივლისს 2024 წლის რესპუბლიკის პირველ საპრეზიდენტო ფორუმზე, რომელსაც მასპინძლობდა ტაკერ კარლსონი. ფორუმი YouTube-ზე BlazeTV-ის მიერ გავრცელდა.

ტაკერ კარლსონმა, პენსის უკრაინაში ბოლო ვიზიტის კომენტირებისას, ჰკითხა, შეეხო თუ არა პოლიტიკოსი ზელენსკისთან საუბარში უმე-ის დევნის თემას.

„ზელენსკის მთავრობა ეწევა ეკლესიების ძალით მიტაცებას, მღვდლების დაპატიმრებას, დევნის მორწმუნეებს და, ფაქტობრივად, აკრძალა ქრისტიანული კონფესია - უკრაინის მართლმადიდებლური ეკლესია მთელი ქვეყნის მასშტაბით. თქვენ წამოწიეთ ეს საკითხი?” -ჰკითხა ტაკერ კარლსონმა.

მაიკ პენსმა უპასუხა, რომ მან ეს თემა განიხილა ეპიფანე დუმენკოსთან და პასუხად მიიღო, რომ უკრაინაში უმე-ის დევნა არ ყოფილა.

„მე მას (დუმენკოს - რედ.) ვკითხე არსებული პრობლემების, უკრაინაში რელიგიური თავისუფლების დაცვის შესახებ და დამარწმუნა, რომ ზელენსკი და მისი მთავრობა პატივს სცემენ რელიგიურ თავისუფლებას. ამასთან, მან თქვა, რომ უკრაინაში არის რმე-ის უმნიშვნელო ელემენტები, რომლებიც გამოიყენება უკრაინაში „რუსული იდეის“ გასავრცელებლად და რომ ხელისუფლება მიმართავს ზომებს მათთვის პასუხისმგებლობის დაკისრების მიზნით“, - გადმოსცა ამერიკელმა პოლიტიკოსმა ეპიფანე დუმენკოს საუბარი.

მისი თქმით, დუმენკომ „კიევის წმინდა მიქაელის საკათედრო ტაძარში პირადად მითხრა, რომ ზელენსკის მთავრობა პატივს სცემს რელიგიის თავისუფლებას. ჩემი აზრით, არ არსებობს ადამიანის სიცოცხლეზე ხელშეუხებლობის შემდეგ უფრო მნიშვნელოვანი ამოცანა, ვიდრე ამერიკაში რელიგიური თავისუფლება და ამ პრინციპის დაცვა მთელს მსოფლიოში.

საპასუხოდ, ტაკერ კარლსონმა უნდობლობა გამოუცხადა ეპიფანე დუმენკოს სიტყვებს.

„გაურკვევლობაში ვარ, რადგან ამ საკითხთან დაკავშირებით სრულიად ცხადია, რომ ზელენსკი ახორციელებს სასულიერო პირების დაპატიმრებებს სხვადასხვა შეხედულებების გამო, რომელსაც ხელისუფლება არ იზიარებს, რაც არანაირად არ ნიშნავს რელიგიური თავისუფლების პატივისცემას, არამედ მისი აშკარა დარღვევაა და ჩვენ (ამერიკა) ვაფინანსებთ მას. მე არ გამოვხატავ უპატივცემულობას, მაგრამ მე ნამდვილად მაინტერესებს, როგორ შეუძლია ქრისტიან ლიდერს მხარი დაუჭიროს ქრისტიანების დაკავებას განსხვავებული აზრის გამო“, - თქვა კარლსონმა.

მაიკ პენსმა გაიმეორა, რომ დუმენკომ ამ კუთხით აღწერა უკრაინის საეკლესიო ვითარება.

„მე ვესაუბრე ქრისტიან ლიდერს კიევში და ვკითხე, მართლა ასე იყო თუ არა, მან დამარწმუნა, რომ ასე არ იყო. რომ ადამიანებს რელიგიური მრწამსის გამო არ დევნიან“, - გაიმეორა პენსმა.

კარლსონი პენსის ამ პასუხით არ დაკმაყოფილდა.

„მე მეგონა, რომ უკრაინაში რელიგიური თავისუფლების თემა უფრო მეტ შეშფოთებას იწვევს. თქვენ მხოლოდ ერთ კონფესიურ ლიდერს ელაპარაკეთ, რომელიც აშკარად მის მხარეს დგას, მაშინ როცა არის უამრავი ახალი ამბები, რომლებიც უდავოდ მიუთითებს, რომ უამრავი სასულიერო პირი დააკავეს. პირადად მე შეიძლება არ ვიზიარებ მათ შეხედულებებს, მაგრამ სასულიერო პირებს განსხვავებული აზრის გამო არ უნდა აპატიმრებდნენ და არ სჯიდნენ! წინააღმდეგ შემთხვევაში ფუნდამენტური პრინციპები (რელიგიის თავისუფლება, - რედ.) ირღვევა“, - განაცხადა ტაკერ კარლსონმა.

მანამდე მჟკ წერდა, რომ ტაკერ კარლსონმა, Fox News-ის გადაცემაში, უკრაინის ხელისუფლების ქმედებებს უმე-თან დაკავშირებით "აბსოლუტური სირცხვილი" უწოდა.