თუ კიევის ნანგრევებად ქცევა იქნება საჭირო, ჩვენ ასეც მოვიქცევით, - სახელმწიფო დუმის დეპუტატი
რუსი დეპუტატის თქმით, რუსეთი უკრაინაში სამხედრო ოპერაციების მორალურ მხარეზე არ უნდა „შეწუხდეს“.
2023 წლის 22 თებერვალს, რუსმა დეპუტატმა და გადამდგარმა არმიის გენერალმა ანდრეი გურულევმა თქვა, რომ თუ საჭირო გახდება, რომ კიევიდან მხოლოდ ნანგრევები დარჩეს რუსეთის დროშით, მაშინ ჩვენ უნდა წავიდეთ ამაზე.
თავის ტელეგრამის არხზე გურულევმა დაწერა, რომ თუ რუსეთი სამიზნედ კიევს აირჩევს, მაშინ მას ადვილად შეუძლია „გაწმინდოს“ ქალაქი და სრულ დაქვემდებარებაში მოიყვანოს. მან ასევე უწოდა კიევს "რუსული ქალაქების დედა" და გამოთქვა მოსაზრება, რომ თუ რუსეთს სურს, მას შეუძლია კიევში მხოლოდ ნანგრევები დატოვოს და იქ თავის დროშა ააფრიალოს.
„თუ მიზნად დავისახავთ კიევის აღებას, დაე ასე იყოს. დიახ, კიევი რუსეთის ქალაქების დედაა. მაგრამ თუ საჭიროა იქნება კიევის ნანგრევებად ქცევა, რომ იქ რუსეთის დროშა ავაფრიალოთ, მაშინ ჩვენ უნდა წავიდეთ ამაზე, ”- თქვა სახელმწიფო დუმის დეპუტატმა.
მისი თქმით, ასევე არ უნდა „გვაწუხებდეს“ საომარი მოქმედებების მორალური მხარე. მან გაოცება გამოთქვა, რატომ ვერ ბედავს რუსეთი მსგავს ნაბიჯს, თუმცა სხვა ქვეყნები დიდი ხანია მსგავს მეთოდებს იყენებენ.
„თუ მიზანს დავისახავთ, მაშინ მისკენ უნდა წავიდეთ. ჩვენ ვიღებთ ერთ ქალაქს, ერთ რეგიონს და ვასუფთავებთ... ყველა ასე იბრძვის, ჩვენ რატომ უნდა ვწუხდეთ ამაზე?“ - შეაჯამა გადამდგარმა გენერალმა ანდრეი გურულევმა.
მანამდე მჟკ წერდა, რომ რუსეთის მართლმადიდებლური ეკლესიის დეკანოზ ანდრეი ტკაჩევის თქმით, უკრაინასთან ომი რელიგიურია, სადაც რუსეთი ახალი ისრაელია.
