დესიატინის მონასტრის წინამძღვარი: თუ სასამართლო არ აკრძალავს დანგრევას, ტაძარი აღარ იქნება
ეპისკოპოსმა კლიმენტმა ისაუბრა ხელისუფლების გეგმებზე დესიატინის ეკლესიის დემონტაჟის შესახებ და მრევლს ლოცვისკენ მოუწოდა.
ღვთისმშობლის შობის დესიატინის მონასტრის წინამძღვარმა, ბოროვსკის ეპისკოპოსმა კლიმენტმა, მონასტრისთვის ლოცვისკენ მოუწოდა, რადგან არსებობს საშისროება, რომ ეკლესიას 7 მაისს დაანგრევენ. ეპისკოპოსის მიმართვა მონასტრის ფეისბუქ-გვერდზე გამოქვეყნდა.
„აღმასრულებელმა სამსახურმა ხელშეკრულება გააფორმა სამშენებლო კომპანიასთან,... მშენებლობა-აღების კამპანიასთან. 7 მაისს, წმინდა კვირის სამშაბათს, 6:30 საათზე კომპანია ამ ტაძარს დაანგრევს. ამიტომ ყველას ლოცვისკენ მოვუწოდებ. ჩვენ ყველას გვწამს ღვთის სასწაულის, ღვთის ძალის“, - განაცხადა ეპისკოპოსმა კლიმენტმა.
ეპისკოპოსმა აღნიშნა, რომ ეკლესიის მტრები ტაძრის დანგრევას პირველივე დღიდან ითხოვდნენ, როცა დესიატინის ეკლესიის ადგილზე ჯერ კიდევ დროებითი კარავი იდგა. მაგრამ მხოლოდ ახლა, სასამართლოს მეშვეობით მიიღეს გადაწყვეტილება მისი დემონტაჟის შესახებ.
„და ის, რის გაკეთებასაც აპირებენ წმინდა კვირის სამშაბათს, უკანონოა, ჩვენი იურისტები გაასაჩივრებენ. მაგრამ იქაც ყველაფერი ეშმაკურადაა: პარასკევს საღამოს შეიტანეს (მოთხოვნა - რედ.), რათა სასამართლოში სარჩელის შესატანად დრო არ გვქონოდა. ჩვენ დროში არ ვეტევით. და თუ სასამართლო რაიმე გადაწყვეტილებას ადრე არ მიიღებს, მათი უკანონო ქმედება არ აიკრძალება - ყველაფერი შესაძლებელია“, - განაცხადა ეპისკოპოსმა კლიმენტმა.
უმე-ის ადვოკატებმა გააფრთხილეს ძმები, რომ ტაძრიდან წინასწარ გაეტანათ საეკლესიო ნივთები, რადგან მოსალოდნელია მისი დანგრევა.
„ამიტომ ვითხოვ წმინდა ლოცვას! მეტი არაფერი შეგვიძლია ერთმანეთის დასახმარებლად“, - განაცხადა ეპისკოპოსმა.
როგორც მჟკ იტყობინება, მეუ სთხოვს ეროვნულ მუზეუმს გადასცეს მათ უმე-ის დესიატინის ეკლესიის ნანგრევები.
