ქ.მონასტირსკის მმართველობა:უმე შეურაცხყოფს უკრაინაში მორწმუნეების გრძნობებს
ტერნოპოლის ოლქის ქ.მონასტირისკის საქალაქო საბჭო მიიჩნევს, რომ უმე-ის არსებობის ერთ-ერთი მიზანია ეკლესიებში იარაღის შენახვა.
ქალაქ მონასტირკაში (ტერნოპოლის რეგიონი) დეპუტატებმა მიიღეს რეზოლუცია, რომელშიც დაადანაშაულეს უკრაინის მართლმადიდებლური ეკლესიის მორწმუნეები „ყველაფერი უკრაინულის“ აღმოფხვრის მცდელობაში, დივერსიულ საქმიანობაში და მორწმუნეთა გრძნობების შეურაცხყოფაშიც კი. საკრებულოს მორიგი სხდომაზე მიღებული დოკუმენტი ფეისბუქის საკუთარ გვერდზე მონასტირისკის მერმა ანდრეი სტარუხმა გამოაქვეყნა. მასში უკრაინის მართმადიდებლური ეკლესია მოხსენიებულია „ორგანიზაციად, რომელიც არ არის კანონიკური და არ აკმაყოფილებს მოქალაქეების რელიგიურ მოთხოვნილებებს“. დოკუმენტში ასევე აღნიშნულია, რომ "უმე-ის რუსების" ერთ-ერთი ამოცანაა ეკლესიებში იარაღის უკანონო შენახვა.
„უკრაინის შეიარაღებულ ძალებთან, სახელმწიფო ხელისუფლებასთან და უკრაინელი ერის ყველა ინსტიტუტთან ერთად, ჩვენ უნდა დავამარცხოთ მოსკოვის დამპყრობლები ყველა ფრონტზე. მათ შორის, სადაც ისინი (მოსკოველები / რუსები) დამკვიდრდნენ რუსეთის მთავრობის დახმარებით, უკრაინული ერის მიმართ მტრულად განწყობით, ზეწოლის, პოლიტიკური ტერორის, მოსყიდვის ან შანტაჟის გზით“, - თქვა სტარუხმა.
მან ასევე დაიკვეხნა, რომ მონასტირისკის ტერიტორიაზე უკრაინის მართლმადიდებლური ეკლესიის არც ერთი ტაძარი არ არის და კოლეგებს მოუწოდა, მიბაძონ მის მაგალითს და შეუერთდნენ ეკლესიის დევნას.
როგორც მჟკ იტყობინება, სახალხო დეპუტატები, რომლებიც ამზადებენ კანონპროექტებს უმე-ის აკრძალვის შესახებ, გამართლებად ასახელებენ ყალბ მტკიცებულებებს.
