უმე-ის წინამძღვარმა პუტინს მარიუპოლში შექმნილი ვითარების გამო მიმართა
მიტ. ონუფრიმ მოუწოდა რუსეთის ფედერაციის პრეზიდენტს, დაუშვას მარიუპოლის მშვიდობიანი მოქალაქეები და დამცველები უკრაინის მიერ კონტროლირებად ტერიტორიაზე.
მისმა უნეტარესმა მიტროპოლიტმა ონუფრიმ მიმართა რუსეთის ფედერაციის პრეზიდენტს ვლადიმერ პუტინს მარიუპოლის ირგვლივ შექმნილ ვითარებასთან დაკავშირებით და სთხოვა სამხედროებისა და მშვიდობიანი მოსახლეობის გაყვანა საომარი მოქმედებების ადგილიდან უსაფრთხო ზონაში, იუწყება news.church.ua.
„ჩემი, როგორც წინამძრვრის მოვალეობაა გთხოვოთ, მიეცით შესაძლებლობა ყველას, ვისაც ეს სურს, დატოვოს ქალაქი მარიუპოლი – როგორც სამოქალაქო, ასევე სამხედრო პირებს. სხვადასხვა ომების დროს დაპირისპირებულ მხარეებს შეეძლოთ ჰუმანიზმის გამოვლენა. ჩვენ ვიცით, რომ რუსეთის ფედერაცია არაერთხელ ასრულებდა შუამავლის როლს სირიაში ალყაში მოქცეული მებრძოლების ევაკუაციის საქმეში“, - განაცხადა უმე-ს წინამძღვარმა.
„ამ კუთხით, ვიმედოვნებთ, რომ ქრისტიანულად დათანხმდებით მარიუპოლში უკრაინული გარნიზონის მოპოვების პროცედურას და ალყაში მოქცეულ სამოქალაქო პირებს, პოლიციელებს, მესაზღვრეებს და სამხედროებს შესაძლებლობას მისცემთ შევიდნენ უკრაინის კონტროლირებად ტერიტორიაზე ან მესამე ქვეყნების ტერიტორიაზე. ბევრი ქვეყანა პატივად მიიჩნევს ამ ოპერაციის შუამავლობას. გთხოვთ, აირჩიოთ რომელიმე მათგანი ქრისტეს სახელით“, - დასძინა მისმა უნეტარესმა.
როგორც მჟკ ადრე წერდა, უნეტარესმა ონუფრემ თქვა, რომ უმე მზად არის მსვლელობა გამართოს აზოვსტალში ხალხის გადასარჩენად.
