პოლონეთის ეკლესიის წინამძღვარმა პატრიარქი ბართლომე პოლონეთში მიიწვია

პოლონეთის ეკლესიის წინამძღვარმა მიტროპოლიტმა საბამ ქვეყანაში პატრიარქი ბართლომე მიიწვია. ასევე, ფანარის ხელმძღვანელმა მიიღო მოწვევა ქვეყნის პრეზიდენტის, ანჯეი დუდასგან. ამის შესახებ ინფორმაცია კონსტანტინოპოლის საპატრიარქოს ვებგვერდზე გამოქვეყნდა. შეტყობინებაში ნათქვამია, რომ ფანარის ხელმძღვანელი პოლონეთში ჩავა „დალოცოს, ანუგეშოს და გააძლიეროს უკრაინის ომის დაწყების შემდეგ ქვეყანაში ჩამოსული უამრავი ლტოლვილი“.

მოგზაურობისას პატრიარქ ბართლომეს ქალკედონელი მიტროპოლიტი ემანუელი გაჰყვება.

როგორც მჟკ წერს, უკრაინის პრეზიდენტმა პატრიარქ ბართლომეს მხარდაჭერისთვის მადლობა გადაუხადა.