გერმანელმა მღვდელმა პოლონეთიდან უკრაინელი ლტოლვილები მიიღო

გერმანიის წმინდა გიორგის სახელობის მონასტრის წინამძღვარმა, იღუმენმა დანიელმა (ირბიტსმა) მონასტერში უკრაინიდან 20 ლტოლვილი შეიფარა. ამის შესახებ pravmir.ru იტყობინება.

მონასტერში ხალხი უკრაინის სხვადასხვა ქალაქიდან მოდიოდა: ზოგი ოდესიდან, ზოგი კიევიდან. ისინი სხვადასხვა გზით მოხვდნენ გერმანიაში, გაიარეს ბუქარესტი, ბუდაპეშტი, პჟემისლი. ზოგიერთი ლტოლვილი მივიდა პოლონურ შჩეცინში, რომელიც მონასტრიდან ერთი საათის სავალზეა და მამა დანიელმა ისინი მონასტერში თავისი მანქანით მიიყვანა.

მონასტერში აღრიცხული იყო უკრაინიდან ჩამოსული ყველა ადამიანი. ეს არის სავალდებულო პროცედურა გერმანიაში, რათა შეატყობინოთ ხელისუფლებას კონკრეტულ მიწებზე მცხოვრებთა შესახებ. სამომავლოდ ყველას მოუწევს გასაუბრების გავლა. ამის შემდეგ კი გერმანიის მთავრობა მათ ლტოლვილის ოფიციალურ სტატუსს მიანიჭებს, ოჯახები მიიღებენ მატერიალურ დახმარებას და საცხოვრებლის ქირაობის ნებართვას.

თანამდებობის პირებს გაესაუბრება მონასტრის წინამძღვარი - როგორც თარჯიმანი.

”მე ყველაფერს ვაკეთებ. ვავსებ საბუთებს, დავდივარ ყველა განყოფილებაში, ყველაფერს პირადად ვაკეთებ. ჩვენ შევთანხმდით უცხოელთა განყოფილებასთან, რომ მონასტრიდან ვარ რეგისტრაციით დაკავებული“, - ამბობს მამა დანიელი.

მამა დანიილმა იცის უკრაინული, საჭიროების შემთხვევაში მას შეუძლია კომუნიკაცია. მაგრამ ამბობს, რომ ლტოლვილები თავისუფლად ფლობენ რუსულ ენას და ასეთ კომუნიკაციას ნორმალურად აღიქვამენ. მონასტრის ძმებს შორის არიან რუსეთის, ბელორუსის, უკრაინის მკვიდრნი, თავად მამა დანიელი ლატვიიდანაა. ლტოლვილებს შეუძლიათ ისაუბრონ როგორც რუსულად, ასევე უკრაინულად - ვის როგორც სურს.

„ჩვენ პოლიტიკაში არ ვერევით“, - ამბობს მამა დანიელი.

მღვდელმა ასევე დასძინა, რომ როგორც კი ლტოლვილები საცხოვრებელს და ოფიციალურ სტატუსს მიიღებენ, მონასტერი სხვა გაჭირვებული უკრაინელების მიღებას შეძლებს.

მანამდე მჟკ-მ გაავრცელა ინფორმაცია, რომ სერბეთის მართმადიდებლური ეკლესიის მონტენეგრო-პრიმორსკის მიტროპოლიის ხელმძღვანელმა დიდი მარხვის დღეებში მოუწოდა, ყურადღება გაამახვილონ უკრაინელ ლტოლვილებზე, რომლებსაც დახმარება ესაჭიროებათ.