მეუ-ს „იერარქებმა“ სოფიოს ტაძრის მოხატულობაში უკრაინის დროშის ფერები ნახეს
მეუ-ს „არქიეპისკოპოსმა“ ევსტრატე ზორიამ კიევში, წმინდა სოფიოს ტაძარში, ორანტას ღვთისმშობლის ხატზე უკრაინის დროშის ფერები ამოიკითხა.
მეუ-ს „არქიეპისკოპოსმა“ ევსტრატე ზორიამ თავისთვის აღმოჩენა გააკეთა, რომ კიევის სოფიოს ტაძრის საკურთხეველში, ორანტას ღვთისმშობლის ხატზე უკრაინის დროშის ფერები - ლურჯი და ყვითელი დომინირებენ. ეს მან სასწრაფოდ გაუზიარა თავისი Facebook-გვერდის ხელმომწერებს.
„3 თებერვალს, წმინდა სოფიოს ტაძარში მსახურებისას, უცებ შევამჩნიე, რომ ორანტას დომინირებული ფერებია ოქროსფერი ყვითელი და ცისფერი. ფოტოები ხშირად ქალწულის ცისფერ სამოსელს გადმოსცემენ როგორც რუხთან მიახლოვებულს. მაგრამ ცოცხალი თვალი ჩვენი დროშის ორ ფერს უკრაინის მთავარ ხატზე მშვენივრად ხედავს“, - წერდა ის.
ზორიას აღტაცებას კომენტარებში შეუერთდა მეუ-ს „მღვდელმთავარიც“ ალექსანდრე დრაბინკო, რომელმაც აღნიშნა, რომ „მაცხოვარს კონსტანტინოპოლის სოფიოს ტაძარში სულაც უკრაინის დროშა აქვს ტახტრევანს უკან“. ამის დასტურად დრაბინკომ ხატის ფოტო გამოაქვეყნა. დისკუსიის პატრიოტული განწყობა ცოტა ჩაახშო ერთ-ერთმა კომენტარმა:
„ეს ზოგადად ბიზანტიური მოზაიკის „ოქროს სტანდარტია“ გვიანმაკედონიურიდან პალეოლოგიურამდე პერიოდში“.
დავამატებთ, რომ ტაძრებში ბერძნული მოზაიკის მთავარი მახასიათებლებია ფერადი სმალტის (უფრო ხშირად ცისფერის) და ოქროს ფონის გამოყენება. ამის შესახებ ნათქვამია „უკრაინის კულტურის ისტორიაში“ («История украинской культуры»).
მანამდე მჟკ ყვებოდა, რომ მეუ-ს წარმომადგენლებმა ლუცკში აღმართეს ევროკავშირის დროშა და ალტერნატიული სახელმწიფო ნაციონალური დროშა.
