ივანო-ფრანკოვოში გაეროს გადაწყვეტილების მიუხედავად ტაძრიდან აგდებენ მრევლს
უკრაინის მართლმადიდებელი ეკლესიის მორწმუნეებს ივანო-ფრანკოვში ართმევენ ყოფილი საბავშვი ბაღის შენობას ჩერნოვოლის ქუჩაზე.
ივანო-ფრანკოვოში უკრაინის უმაღლესი სასამართლოს გადაწყვეტილებით ასახლებენ თემს უმე-ს ფერიცვალების ტაძრიდან, რომელიც მდებარეობს მისამართზე ჩერნოვოლის ქ. 6 და 6 ბ, წერდა გამოცემა "შენი ქალაქის პრავდა".
7 თებერვალს ფრანკოვოს ჟურნალისტი და საზოგადო აქტივისტი ვიტალი ჩერნენკი იტყობინება, რომ ტაძრის ტერიტორიაზე მოვიდნენ აღმასრულებელი სამსახურის წარმომადგენლები და დაიწყეს მრევლის გამოსახლების პროცესი. რამდენიმე ათეული ადამიანის თვალწინ ზედამხედველებმა დალუქეს საეკლესიო მაღაზია. შენობასთან რატომღაც მოვიდა სახანძრო მანქანა.
"გააღეთ საეკლესიო მაღაზია, რათა ჩვენ არ დავამტვრიოთ ბოქლომები, ჩვენ მზად ვართ ყველა თქვენი ნივთი მივიტანოთ მისამართზე",- სთავაზობენ ვიდეოში დაუდგენელი პირები, ალბათ, სასამართლო აღმასრულებლები ან ჩინოვნიკები.
კიდევ 3 თებერვალს რადიოს ეთერში "დასავლეთ პოლუსი" ივანო-ფრანკოვოს მერმა რუსლან მარცინკივმა განაცხადა, რომ 2021 წლის ბოლოს მთვრობამ მოიგო ყველა სასამართლო ინსტანცია შენობის იჯარის შეწყვეტის შესახებ. რამდენადაც მორწმუნეებმა უარი თქვეს დაეტოვებინათ შენობა, ჩინოვნიკებმა დახმარებისთვის მიმართეს აღმასრულებელ სამსახურს. გამოსახლების პროცესს კურირებს ქალაქის განათლების დეპატრამენტი, რომელმაც უნდა მიიღოს ფართი საბავშვო ბაღის განთავსებისათვის.
"ახლა პირველი ეტაპია, როდესაც არის უმაღლესი სასამართლოს გადაწყვეტილება, შესაბამისად მუშაობს აღმასრულებელი სამსახური. თუ ეს პროცესი დასრულდება, შემდეგი ნაბიჯი იქნება მუშაობა საბავშვო ბაღის დაგეგმარების დოკუმენტაციაზე",- თქვა ივანო-ფრანკოვოს საქალაქო საბჭოს განათლებისა და მეცნიერების დეპატრამენტის დირექტორმა იგორ მაქსიმჩუკმა.
სასამართლო დავები ტაძრის ირგვლივ გაგრძელდა არაერთი წელი, მიუხედავად იმისა, რომ გაერომ დაბლოკა უმე-ს ტაძრიდან გამოსახლების გადაწყვეტილება ივანო-ფრანკოვოში.
