მეუ-მ კს უმე-ს „იერარქებს“ მსახურება აუკრძალა
დუმენკოს „სინოდმა“ დასაჯა ფილარეტის „მღვდელმთავრები“, რომლებიც ადრე მეუ-ს შემადგენლობიდან გარიცხულები იყვნენ.
2022 წლის 2 თებერვალს მეუ-ს „წმინდა სინოდმა“ მსახურება აუკრძალა კს უმე-ს „იერარქებს“ და მათ „სამღვდლო ხარისხის“ ჩამორთმევით დაემუქრა, იუწყება დუმენკოს ორგანიზაციის ოფიციალური საიტი.
მეუ-მ გადაწყვიტა, რომ „ყველა პირი, ვინც კანონებისა და წესდების დარღვევით“ მეუ-ს „წმინდა სინოდის“ მიერ არჩევისა და დუმენკოს ნებართვის გარეშე, 2019 წლის ივნისიდან „მაღალყოვლადუსამღვდელოესი ფილარეტის (დენისენკო) მიერ მღვდელმთავრებად იყვნენ წოდებულები“, სინამდვილეში მათ სამღვდელმთავრო ხელდასხმა და წოდება არ აქვთ, ამიტომ „სამღვდელმთავრო ტიტულისა და უფლებების ყაჩაღური მიტაცებისა და სხვა ქმედებების გამო, რომლებიც განხეთქილებას პროვოცირებდნენ“ მეუ-ში, „ეს პირები გადაცემულები უნდა იყვნენ საეკლესიო სასამართლოს და მათ ჩამორთმეული უნდა ჰქონდეთ სამღვდლო ხარისხი“.
ამასთან ერთად, მეუ-ს „სინოდმა“ გადაწყვიტა, რომ „ბელგოროდისა და ობოიანსკის ყოფილ მიტროპოლიტ იოასაფს (შიბაევი), ბელგოროდ-დნესტროვსკის ყოფილ ეპისკოპოს ფილარეტს (პანკუ) და ვალუისკის ყოფილ ეპისკოპოს პეტრეს (მოსკალიოვი) კანონიკური წესრიგის უხეში დარღვევისთვის, უკანონო შეკრებებში და ქ. კიევში ეგრეთ წოდებულ სამღვდელმთავრო ქიროტონიებში მონაწილეობისთვის აეკრძალოთ მსახურება და გამოძახებულები იყვნენ მეუ-ს სასამართლოში ბრალდებებით, რომელთა თანახმად „ისინი ექვემდებარებიან სამღვდლო ხარისხის ჩამორთმევას“.
თუმცა ჯერ კიდევ 2019 წლის 24 ივნისს მეუ-ს „წმინდა სინოდმა“ გადაწყვიტა, რომ „აქტიური მონაწილეობისთვის ქმედებებში, რომლებიც მიმართული იყო საეკლესიო გარემოში დაპირისპირების გაღვივებაზე, საეკლესიო გადაწყვეტილებების, 34-ე სამოციქული კანონის შეგნებული დარღვევისთვის, სხვის ეპარქიაში, წესდებისა და კანონიკური წესების დარღვევით, ხელდასმებში მონაწილეობისთვის“ მეუ-ს ყველა ეს „მღვდელმთავარი“ გარიცხოს მეუ-ს „საეპისკოპოსოს“ შემადგენლობიდან.
გარდა ამისა, კს უმე-ს წარმომადგენელი, „მიტროპოლიტი“ იოსაფი შიბაევი ამტკიცებდა, რომ არც ის, არც მისი „ქორ-ეპისკოპოსი“ პეტრე მოსკალიოვი არასდროს არ შედიოდნენ „უწე-ის საეპისკოპოსოს“ შემადგენლობაში.
