ლგბტ-ს მხარდამჭერი რესტორანი არ მოემსახურება აბორტის მოწინააღმდეგეებს
აშშ-ის დედაქალაქში მდებარე რესტორნის მფლობელებმა განაცხადეს, რომ რესტორანში გამართულ ღონისძიებებზე სიტყვის თავისუფლება აბორტის მოწინააღმდეგეებზე ვერ ვრცელდება.
აშშ-ს დედაქალაქ ვაშინგტონში, რესტორნის მფლობელებმა გააუქმეს აბორტის საწინააღმდეგო ღონისძიების ჯავშანი, იმ მოტივით, რომ ღონისძიება თავისი შინაარსიდან გამომდინარე "სხვის უფლებებს არღვევს", წერს გამოცემა CNA.
დაჯგუფებამ ,,დემოკრატები ამერიკის ცხოვრებისთვის’’ დაგეგმეს ღონისძიება K-სტრიტზე 21 იანვარს, რესტორნისა და წიგნის მაღაზიათა ქსელის Busboys and Poets-ის სახლში, რომელიც ემთხვევა 49-ე ყოველწლიურ მარშს სიცოცხლისთვის. „როდესაც ჩვენმა გუნდმა გააცნობიერა ღონისძიების არსი, მიღებულ იქნა გადაწყვეტილება მისი გაუქმების შესახებ და ღონისძიების ორგანიზატორს ყველა დეპოზიტი დაუბრუნდა“, განუცხადა CNA-ს Busboys and Poets-ის მენეჯერმა. ქსელი "მიესალმება იმ ადამიანებს, რომლებიც გამოხატავენ განსხვავებულ მოსაზრებებს", მაგრამ "მტკიცედ რჩება იმ აზრზე, რომ ქალებს აქვთ უფლება მიიღონ საკუთარი გადაწყვეტილებები რეპროდუქციულ ჯანმრთელობასთან დაკავშირებით" და აბორტთან ბრძოლას მიიჩნევენ "ადამიანის უფლებათა დარღვევად.’’
ღონისძიების წესები, რომელსაც ქსელი განათავსებს თავის ვებსაიტზე, არ აღნიშნავს ღონისძიებებზე შეზღუდვებს მათი ბუნების ან შინაარსის გამო. ამასთან, დაწესებულების მფლობელების შეხედულებები არ არის საიდუმლო: მაგალითად, 2021 წლის ივნისში მათ Facebook-ის ოფიციალურ გვერდზე გამოაქვეყნეს ფოტოსურათი ლგბტ პრაიდის მხარდასაჭერად.
ჯეს მიტი, ნაციონალური კომუნიკაციების დირექტორი ,,დემოკრატები ამერიკის ცხოვრებისთვის’’, იმედოვნებს, რომ საქმე აბორტის საწინააღმდეგო ყველა აქტივისტის ყურადღების ცენტრში იქნება, მიუხედავად პარტიული კუთვნილებისა.
”ამერიკელებმა, რომლებიც გამოდიან სიცოცხლის დასაცავად, აუცილებლად უნდა გაითვალისწინონ ეს გაუქმება, მიუხედავად მათი პოლიტიკური შეხედულებისა”, - თქვა ჯეს მიტმა. „აბორტი არის ადამიანის უფლებათა საკითხი, რომელიც არ შეიძლება შემოიფარგლოს ერთი პოლიტიკური პარტიით. ჩვენ გვჭირდება ორპარტიული მხარდაჭერა და ორპარტიული ძალისხმევა კონსერვატორების, ლიბერალების და ყველასგან, ვინც მატ შორის არის“.
მჟკ წერდა, რომ შეერთებულ შტატებში აბორტის აკრძალვის მხარდასაჭერი მარშები დააანონსეს.
