ევროსასამართლომ დაავალა ევროკავშირის ქვეყნებს გეი წყვილები ოჯახებად აღიარონ
ბულგარეთის ხელისუფლება მიიჩნევს, რომ ბავშვს ორი დედა არ შეიძლება ჰყავდეს, მაგრამ ამას ევროკავშირის სასამართლო არ ეთანხმება.
2021 წლის 14 დეკემბერს, ევროპულმა სასამართლომ დაადგინა, რომ ერთსქესიანი მშობლები და მათი შვილები ოჯახად უნდა იყვნენ აღიარებული ევროკავშირის ყველა წევრ ქვეყანაში, იტყობინება Euronews.com.
ევროკავშირის მართლმსაჯულების სასამართლომ (მოკლედ CJEU) - რედ.) განაცხადა, რომ თუ ერთი ქვეყანა აღიარებს გეი წყვილს ოჯახად, სადაც ბავშვებს ურთიერთობა ექნებათ მათთან, როგორც მშობლებთან, მაშინ ევროკავშირის თითოეულმა წევრმა ქვეყანამ იგივე უნდა გააკეთოს. რათა ბავშვმა შეძლოს თავისუფლად გადაადგილება“.
საქმე სასამართლოს განსახილველად მას შემდეგ გადაეცა, რაც ბულგარეთის ხელისუფლებამ უარი თქვა გოგონასთვის დაბადების მოწმობის გაცემაზე, რომელსაც ერთსქესიანი მშობლები ჰყავს, იმ მოტივით, რომ ბავშვს ორი დედა არ შეიძლება ჰყავდეს.
ბულგარელი კალინა ივანოვა და ბრიტანული გიბრალტარის მკვიდრი ჯეინ ჯონსი დარეგისტრირებულნი არიან სარას დედებად, რომელიც დაიბადა ესპანეთში 2019 წელს.
ივანოვამ შვილისთვის ბულგარეთის მოქალაქეობა მოითხოვა. მაგრამ ეს მოთხოვნა ბულგარეთის ხელისუფლებამ უარყო. სარას არ აქვს ესპანეთის მოქალაქეობა, რაც იმას ნიშნავს, რომ საბუთების არქონის გამო ქვეყანას ვერ დატოვებს.
ევროსასამართლომ ასევე დაადგინა, რომ ბავშვს უნდა მიეღო ბულგარული პასპორტი. არპი ავეტისიანმა, ILGA-Europe-ის წარმომადგენელმა, თქვა, რომ სასამართლოს გადაწყვეტილება არის „ნამდვილი მტკიცებულება იმისა, რომ ევროკავშირი არის თანასწორობის ალიანსი და ჩვენ მოუთმენლად ველით ,,ფერადმა’’ ოჯახებმა თანაბრად ისარგებლობენ გადაადგილების თავისუფლებითა და სხვა ფუნდამენტური უფლებებით. ”
CJEU-ს გადაწყვეტილება სარას საქმეზე გასაჩივრებას არ ექვემდებარება.
მანამდე მჯკ წერდა, რომ შვეიცარიელებმა რეფერენდუმზე მხარი დაუჭირეს ლგბტ წყვილებისთვის ბავშვების ყოლის უფლების მინიჭებას.
