ლიბანის მონასტრის ნაცვალი უმე-ს ვოლინელ სემინარისტებს შეხვდა

2021 წლის 12 ნოემბერს ქალაქ ბალამანდის (ლიბანი) მიძინების სტავროპიგიის საპატრიარქო მონასტრის ნაცვალი, არქიმანდრიტი რომანოზი (ჰანატი), რომელიც მონაწილეობდა საერთაშორისო კონფერენციაში „ეკლესიის კრებითობა: საღვთისმეტყველო, კანონიკური და ისტორიული განზომილებები“, შეხვდა ვოლინის სასულიერო სემინარიის სტუდენტებს, იუწყება სემინარიის ოფიციალური საიტი.

შეხვედრა ეძღვნებოდა ვოლინის სემინარიის კავშირებს ბალამანდის უნივერსიტეტთან ლიბანში, სადაც არქიმანდრიტი რომანოზ (ჰანატი) არის საეკლესიო გალობისა და ჰიმნოგრაფიის პედაგოგი საღვთისმეტყველო ფაკულტეტზე. მამა რომანოზს ახლდა უმე-ს სსკგ-ის უფროსის მოადგილე, დეკანოზი ნიკოლოზ დანილევიჩი.

ანტიოქიის საპატრიარქოს კლირიკოსმა შეახსენა სემინარისტებს, რომ სწორედ მათ ეკლესიასთან არის დაკავშირებული ეკლესიის ისეთი მამებისა და ღვთისმოსაობის მოსაგრეთა  მოღვაწეობა, როგორც წმინდა იოანე ღვთისმეტყველი და  ღირსი იოანე დამასკელია. მან აგრეთვე აღნიშნა, რომ მოხარულია უკრაინაში ყოფნით. „ძალიან მიყვარს უკრაინის მართლმადიდებელი ეკლესია, თქვენც გიყვართ თქვენი ეკლესია და თავმდაბლად გაუფრთხილდით მას“, - მოუწოდა სემინარისტებს მამა რომანოზმა.

შეხვედრის მონაწილეები ინტერესებოდნენ სულიერი ცხოვრების სხვადასხვა ასპექტებით, ახალგაზრდების მსახურებით  და მართლმადიდებლობისა  და მთლიანად ქრისტიანობის მდგომარეობით ახლო აღმოსავლეთში. არქიმანდრიტი რომანოზი ყვებოდა, რომ სირიაში ანტიოქიის საპატრიარქოს 1,5-მდე მილიონი წევრია, ლიბანში - 200 ათასი, თურქეთში - 15 ათასი. შეხვედრის ბოლოს მამა რომანოზმა შეასრულა ყოვლადწმინდა ღვთისმშობლის მიძინების ტროპარი არაბულ ენაზე.

როგორც მჟკ იუწყებოდა, კრებითობისადმი მიძღვნილ  ფორუმზე უმე-ს და სხვა ეკლესიების 20-ზე მეტი მომხსენებელი გამოვიდა.