ტაძარ წართმეულ მორწმუნეთა დაცვა, ჩვენი საერთო საქმეა - უმე-ს იერარქი
ვასილკოვსკის არქიეპისკოპოსი ნიკოლოზი იმედოვნებს, რომ უმე-ს დევნილ თემთა დასახმარებლად საქველმოქმედო აქცია „იკითხე და შექმენი“ სრულიადუკრაინულ მოძრაობაში გადაიზრდება.
მორწმუნეთა დაცვა, ვისაც ტაძრები წაართვეს, ჩვენი საერთო საქმეა. ამის შესახებ კიევის მიტროპოლიის ვასილკოვსკის არქიეპისკოპოსმა ნიკოლოზმა (პოჩტოვი) თქვა «Перши Козацьки»-სთან კომენტარში კიევო-პეჩერის მიძინების ლავრაში, პირველ საქველმოქმედო წიგნის ბაზრობაზე.
იერარქის აზრით, ბაზრობა „იკითხე და შექმენი“, რომლის ორგანიზატორები და მონაწილეები აგროვებდნენ თანხებს რეიდერობისგან დაზარალებული თემებისთვის ახალი ტაძრების ასაშენებლად, მნიშვნელოვანი მოვლენაა.
„ეს კარგი საშუალებაა იმის გასახსენებლად, რომ დევნა არ შეწყვეტილა და დღემდე გრძელდება, უკრაინის ყველა მართლმადიდებელს აკისრია პასუხისმგებლობა ჩვენს სამრევლოებზე, მათ შორის მიტაცებულებზეც, მათი დაცვა კი ჩვენი საერთო საქმეა, - თქვა მან. - ბაზრობამ ცხადყო, რომ ჩვენ განვიცდით და ვცდილობთ დავეხმაროთ მათ, ვისაც დევნიან და ტაძრებს ართმევენ, განვიცდით მათთან ერთად, ვტირით მათთან ერთად, ვიმედოვნებთ, რომ მოვა დრო და ყველა ერთად გავიხარებთ იმით, რომ ეკლესია შევინარჩუნეთ, გავზარდეთ და, რაც მთავარია, ეკლესიაში შევინარჩუნეთ ხალხი“.
არქიეპისკოპოსმა მადლობა გადაუხადა საქველმოქმედო აქციის ყველა მონაწილეს და ორგანიზატორს, ხაზი გაუსვა, რომ ეს მნიშვნელოვანი საქმეა „და მხოლოდ დასაწყისი, ღმერთმა ქნას, რომ ეს ბაზრობა გადაიზარდოს სრულიადუკრაინულ მართლმადიდებლურ მოძრაობაში“.
„შეიძლება დღეს რამდენიმე აგურზე თანხა შეგროვდეს, მაგრამ დასაწყისისთვის ეს არ არის მთავარი. მთავარია, რა გვაქვს გულებში, როგორ ვუთანაგრძნობთ იმათ, ვინც დევნა განიცადა, ეს კი დასაფასებელია. ამიტომ მადლობას ვუხდით იმათ, ვინც წირავს ტაძრების მშენებლობისთვის, ვინც შრომობს ტაძრების მშენებლობაზე, აგრეთვე მადლობას ვუხდით იმათაც, ვინც უბრალოდ ლოცულობს ამ ტაძრების მშენებლობისთვის. ამრიგად, ყველა მონაწილეობას ვიღებთ იმ ტაძრების აღმშენებლობის საერთო საქმეში, რომლებიც წაგვართვეს“, - თქვა კიევის მიტროპოლიის ქორ-ეპისკოპოსმა.
როგორც მჟკ იუწყებოდა, საქველმოქმედო წიგნის ბაზრობის „იკითხე და შექმენი“ ორდღიანი მუშაობის განმავლობაში შეგროვდა 42 400 გრივნა. აქცია ჩატარდა პროგრამების სფ „თაბორისა“ და „40 ტაძრის“ მხარდასაჭერად, რომლის ფარგლებში ფონდმა უკვე დახმარება გაუწია რეიდერობისგან დაზარალებულ უმე-ს 39 თემს.
