რმეს-ის წინამძღოლი: ეკლესია არ იძლევა რჩევებს ვაქცინაციის თაობაზე
აღმოსავლეთ ამერიკისა და ნიუ-იორკის მიტროპოლიტმა ილარიონმა (კაპრალი) ხაზი გაუსვა, რომ კორონავირუსის აცრის გაკეთება ან არგაკეთება არის ადამიანის თავისუფალი არჩევანი.
რუსეთის მართლმადიდებელი ეკლესია საზღვარგარეთ არ აძლევს თავის მრევლს არანაირ რჩევას კორონავირუსის ვაქცინაციასთან დაკავშირებით. ამის შესახებ რმეს-ის წინამძღოლმა აღმოსავლეთ ამერიკისა და ნიუ-იორკის მიტროპოლიტმა ილარიონმა (კაპრალი) განაცხადა რია-ნოვოსტის კომენტარში.
მან ხაზი გაუსვა, რომ ვაქცინაცია „ადამიანების თავისუფალი არჩევანია“ და ეკლესია ამის თაობაზე რჩევას არ იძლევა. ამასთან, ის თვლის, რომ „ადამიანებს არ უნდა ეშინოდეთ ვაქცინაციის“.
მიტროპოლიტის სიტყვებით, პანდემია აისახა საეკლესიო ცხოვრებაზე, მაგრამ ამ ცვლილებებს არ შეიძლება ვუწოდოთ პრინციპული.
„პანდემიის დასაწყისში ადამიანებს არ შეეძლოთ ტაძრებში სიარულიც კი, მაგრამ მათ ახლა ასეთი შესაძლებლობა აქვთ“, - დაამატა რმეს-ის წინამძღოლმა.
შეგახსენებთ, რომ კორონავირუსის პანდემიის გამო აშშ-ში რმეს-ის 100 წლის იუბილის გადატანა იქნა შემოთავაზებული.
მჟკ ასევე წერდა, რომ უკრაინის მართლმადიდებელი ეკლესიის პოზიცია კორონავირუსის ვაქცინაციის თაობაზე განმარტა საქმეთა მმართველმა, მიტროპოლიტმა ანტონიმ (პაკანიჩი).
