ჩვენს ეკლესიას და ელინიზმს მეგობარი ჰყავს თეთრ სახლში, - ფანარიონის იერარქი
ფანარიონის მეთაურმა აშშ-ში განაცხადა, ვინ არის კონსტანტინოპოლის საპატრიარქოს მეგობარი აშშ-ის თეთრ სახლში.
კონსტანტინოპოლის საპატრიარქოს და ელინიზმს ჰყავს მეგობარი აშშ-ის თეთრ სახლში პრეზიდენტ ჯო ბაიდენის სახით, განაცხადა აშშ-ში ფანარიონის ბერძნული არქიეპისკოპიის მეთაურმა, არქიეპისკოპოსმა ელპიდოფორმა(ლამბრინიადისმა), იუწყება Kathimerini.
ფანარიონის იერარქმა ისაუბრა აშშ-ში ბერძნულ თემთან ბაიდენის ურთიერთობებზე.
არქიეპისკოპოს ელპიდოფორის სიტყვებით, იზრდება ამერიკის პრეზიდენტის ინტერესი ხმელთაშუაზღვის აღმოსავლეთ რეგიონისა და კონსტანტინოპოლის საპატრიარქოსადმი.
ბაიდენის სახით ფანარიონს და ელინიზმს მეგობარი ჰყავს ახალ სახლში, აღნიშნა არქიეპისკოპოსმა.
"დარწმუნებული ვარ, რომ თქვენ იცით, პრეზიდენტმა ბაიდენმა თავისი პოლიტიკური კარიერა დაიწყო ორმოცდაათ წელზე დიდი ხნის წინ ბერძენ-ამერიკელი თანამეგობრობის მხურვალე მხარდაჭერით შტატ დელავერში,- გაიხსენა მან.- ბერძნული წარმოშობის ამერიკელები ყოველთვის იყვნენ მისი მხურვალე მხარდამჭერები, სენატში მისი ყოფნის მანძილზე პრეზიდენტი ხმელთაშუა ზღვის სამხრეთ-აღმოსავლეთში განვითარებული მოვლენების მიმართ განსაკუთრებულ ინტერესს იჩენდა. მე შევხვდი პრეზიდენტ ბაიდენს 2013 წელს.
2020 წლის ივლისში, წმინდა სოფიას ტაძრის მეჩეთად გადაკეთების შემდგომ, მან სასწრაფოდ დამირეკა, რათა დაედასტურებინა თავისი უპირობო მხარდაჭერა მსოფლიო პატრიარქის მიმართ, ხოლო გასული წლის მარტში ის გვესტუმრა და მონაწილეობა მიიღო ბერძნული სახელმწიფოს ორასი წლისთავისადმი მიძღვნილ ტელეკონფერენციაში. მე ვიცი, რომ პრეზიდენტ ბაიდენის სახით ჩვენმა ეკლესიამ და ელინიზმმა იპოვეს მეგობარი ოვალურ კაბინეტში".
როგორც მჟკ იუწყებოდა, კათოლიკე ბაიდენმა განაცხადა, რომ აბორტის დაკანონების მომხრეა.
