სერბეთის ეკლესიამ ბოსნიის წყალდიდობის შედეგად დაზარალებულებს 100 000 ევრო გამოუყო
სერბეთის პატრიარქმა პორფირიმ გასცა კურთხევა გამოყონ ერთჯერადი დახმარება ბოსნია და ჰერცეგოვინაში ბოლო დღეებში წყალდიდობის შედეგად დაზარალებული ოჯახების დასახმარებლად.
სერბეთის მართლმადიდებელი ეკლესია იტყობინება, რომ გამოყოფილი თანხები წყალდიდობისგან ყველაზე მეტად დაზარალებულ ოჯახებს ზაჰუმლისა და ჰერცეგოვინის ეპარქიის დახმარებით გადაეგზავნება.
პატრიარქმა პორფირიმ გასცა ბრძანება დაზარალებულებს გაუწიონ დახმარება მათი ეროვნებისა და რელიგიის მიუხედავად.
უწმინდესმა მოუწოდა ბალკანეთის მოსახლეობას ამ მძიმე დღეებში ერთსულოვნებისა და ურთიერთდახმარებისკენ, განსაკუთრებით სერბსკას რესპუბლიკასა და ბოსნია-ჰერცეგოვინაში.
სერბეთის მართლმადიდებლური ეკლესიის წინამძღვარმა მართლმადიდებელ ქრისტიანებს სთხოვა, ილოცონ ყველა დაზარალებულისთვის, რათა უფალმა ნუგეში მოუტანოს წყალდიდობის შედეგად დაღუპულთა ოჯახებს და შეაჩეროს ტანჯვა და სახლების ნგრევა.
2024 წლის 3-4 ოქტომბერს სამხრეთ ბოსნია და ჰერცეგოვინას ძლიერი წყალდიდობა დაატყდა თავს.
BBC-ის ცნობით, ცენტრალურ ბოსნიასა და ჰერცეგოვინაში წყალდიდობასა და მეწყერს სულ მცირე 18 ადამიანი ემსხვერპლა. რამდენიმე ქალაქი და სოფელი მოწყდა გარე სამყაროს, ბევრი სახლი დაიტბორა.
როგორც მჟკ წერს, სერბეთის პატრიარქმა ვატიკანის სახელმწიფო მდივანთან განიხილა „კანონი, რომელიც კრძალავს უმე-ს“.
