ჩვენ უნდა ვიქადაგოთ მხოლოდ ქრისტეს სიყვარული, - მეუფე პიმენი
იერუსალიმის წმინდა სამარხის ტაძარში ეპისკოპოსმა პიმენმა მორწმუნეებს დამშვიდობების წინ მიმართა.
2024 წლის 6 ოქტომბერს, უმე-ის სასულიერო და საერო პირთა ჯგუფი, რივნისა და ოსტროგის მთავარეპისკოპოსის ხელმძღვანელობით, ეწვია წმინდა მიწას მომლოცველთა სტატუსის ფარგლებში.
პილიგრიმობის ბოლო დღეს, იერუსალიმის წმინდა სამარხის ტაძარში ღამის საღმრთო ლიტურგიის შემდეგ, ეპისკოპოსმა პიმენმა მორწმუნეებს მიმართა. ინფორმაციას ავრცელებს როვენის ეპარქიის ვებგვერდი.
„ჩვენ აქედან მიგვაქვს ის მადლი, რომელიც გადმოვიდა ჩვენზე ლოცვით. უფალი თავის შვილებს ყველაფერს აძლევს, მაგრამ ადამიანმა მას გული უნდა გაუხსნას“, - შეახსენა მომლოცველებს მეუფე პიმენმა.
მან იმედი და ნდობა გამოთქვა, რომ წმინდა მიწაზე თითოეული მყოფის გული ღიაა ღმერთისთვის: „შემოდი, უფალო, და ჭამე ჩემთან დღეს - მოდი, კიდევ ერთხელ ვთქვათ ეს სიტყვები აქ, უფლის ტაძრის კართან.” - მიმართა ეპისკოპოსმა მორწმუნეებს.
სამწყსოსადმი მიმართვაში მან აღნიშნა, რომ „ჩვენ ისევ და ისევ ვითხოვთ მშვიდობას, კეთილდღეობას, ზრდას ჩვენი უკრაინელი ხალხისთვის, ძალას, ჯანმრთელობას, კეთილდღეობას ჩვენი წინამძღვრისთვის, უპირველეს ყოვლისა, და იმ ხალხისთვის, ვინც მართლმადიდებლურ სარწმუნოებას ასწავლის, იცავს სახარების კანონებს."
მღვდელმთავარმა თითიეულ დამსწრეს მოუწოდა, ქრისტეს სიყვარულის დაცვისკენ.
„ჩვენც ვიქადაგოთ, რომ ძმამ ხელი გაუწოდოს ძმას, რადგან ისინი ერთი სარწმუნოებისა და სიყვარულის არიან’’ - შეაჯამა მეუფე პიმენმა.
როგორც მჟკ იტყობინება, უკრაინის მართლმადიდებლური ეკლესიის იერარქმა პიმენმა და უმე-ის სასულიერო პირებმა, იერუსალიმის ეპისკოპოსთან ერთად, ილოცეს ერთ-ერთ ყველაზე მნიშვნელოვან ქრისტიანულ სალოცავში - წმინდა სამარხის ეკლესიაში.
