მზად არ ვართ ვიმუშავოთ რუსულენოვან მრევლთან, - მეუ-ს „იერარქი“
რუდიუკი იუწყება, რომ მეუ-ს მღვდლების მომზადება, ვინც რუსულენოვან მრევლთან მუშაობს, გართულდა ნაციონალურ პოზიციებზე მდგომ პირთა გამო.
უკრაინაში მართლმადიდებელი ეკლესიის ლვოვის „მიტროპოლიტმა“ დიმიტრი რუდიუკმა განაცხადა, რომ მისი რელიგიური სტრუქტურა მზად არ არის რუსულენოვან მრევლთან რომ იმუშავოს, იუწყება რუსული გამოცემა «Новая газета».
მან აღიარა, უკრაინაში მართლმადიდებელ ეკლესიაში არსებობს მოთხოვნა, რომ მეტი ანგარიში გაუწიონ რუსულენოვან მართლმადიდებელ გაერთიანებას უკრაინაში, მაგრამ აღნიშნა, რომ მისმა რელიგიურმა სტრუქტურამ „უნდა იპოვოს ამ ჯგუფთან მუშაობის მეთოდიკა“.
რუდიუკი ყვებოდა, უკრაინაში მართლმადიდებელი ეკლესია „წინააღმდეგი არ არის, რომ ზოგიერთი სამრევლო იყენებდეს საეკლესიო სლავურ ენას“, განხეთქილებაშიც „არის ასეთი სამრევლოები, მაგრამ ისინი მცირერიცხოვანები არიან“.
„უკრაინაში მართლმადიდებელი ეკლესიის იერარქმა განაცხადა, რომ უკრაინაში არსებობს გაყოფა ნაციონალური იდენტობის ნიშნით“. მისი სიტყვებით, „ის მორწმუნეები, რომლებიც შეგნებულად ეკუთვნიან მოსკოვის საპატრიარქოს, ასე თუ ისე რუსული მართლმადიდებლობის ტრადიციაზე არიან ორიენტირებულები“.
„გვინდა თუ არა, მაგრამ ყოველ მართლმადიდებლურ ტრადიციას თავისი ნაციონალური თვისებები გააჩნია. ისინი თავიდანვე თვალშისაცემია და ხანდახან მოძღვრებასა და კანონებს აღემატებიან...“, - დარწმუნებულია რუდიუკი.
მან აღნიშნა, რომ „ენის ფაქტორი გათვალისწინებული უნდა იყოს, მაგრამ ეს საკითხი არც ისე მძაფრად დგას, როგორც ამას რუსეთში თვლიან“. „იქ, სადაც რუსულენოვანი მოსახლეობა მეტია, ღვთისმსახურების ენა შეიძლება იგივე დარჩეს, რაც ადრე იყო“. მაგრამ, თვლის რუდიუკი, „ალბათ კარგი იქნებოდა, თუ სამრევლოებში ჩატარდება გამოკითხვა, მათ შორის ენის არჩევაზეც“.
რუდიუკის სიტყვებით, სანამ „უკრაინაში ნაციონალური თვითშეგნების ზღვარი მაღლაა აწეული“, სემინარიებში ან აკადემიებში რაღაც ახალი განყოფილებების გახსნა, სადაც მოამზადებენ მღვდლებს რუსულენოვანი მრევლისთვის, „ძალიან რთული იქნება“, იმიტომ რომ „ყოველთვის ამინდს ისინი ქმინიან, ვინც ნაციონალურ პოზიციებზეა“.
მანამდე მართლმადიდებელ ჟურნალისტთა კავშირი წერდა, უკრაინაში მართლმადიდებელი ეკლესიის ლვოვის „მიტროპოლიტმა“ დიმიტრი რუდიუკმა განაცხადა, რომ უკრაინული ენის საკითხი - უკრაინაში მართლმადიდებელი ეკლესიის მისიის ერთ-ერთი სახეა რუსულენოვან უკრაინელებთან მიმართებით.
