ბართლომემ მეუ-ს სპონსორს უბოძა კონსტანტინოპოლის ეკლესიის არქონტის ტიტული
მელუდე ანდრეი მაცოლა გახდა უკრაინაში „მსოფლიო საპატრიარქოს პირველი არქონტი“.
პატრიარქმა ბართლომემ უკრაინელ მეწარმესა და უმე (კ)-ს მრავალწლიან, ამჟამად კი მეუ-ს სპონსორს ანდრეი მაცოლას მიანიჭა კონსტანტინოპოლის საპატრიარქოს არქონტის ტიტული. ამის შესახებ ბიზნესმენმა თავის ფეისბუქ-გვერდზე გვამცნო ორშაბათს, 23 აგვისტოს.
„ეკლესია მრავალი საუკუნის მანძილზე ამ ტიტულს გადასცემს ცალკეულ პირებს, რომელთაც მნიშვნელოვანი წვლილი შეაქვთ მის განვითარებაში, გადასცემენ მას ყველაფერს, რისი მიცემაც მათ ეკლესიისთვის შეუძლიათ“. დედა-ეკლესიას ბევრი ადამიანი ჰყავს ასეთი ტიტულით, კერძოდ, აშშ-სა და კანადაში, უკრაინაში ეს ტიტული პირველად იქნა მინიჭებული“, -ხაზი გაუსვა მეწარმემ.
მან მადლობა გადაუხადა პატრიარქ ბართლომეს და მეუ-ს მეთაურს ეპიფანეს „გამოვლენილი წყალობისთვის“ და აღნიშნა, რომ მოცემული ტიტული ავალდებულებს მსახურებასა და ერთგულებას მართლმადიდებლური რწმენისა და მისი ფასეულობების დაცვის საქმეში“.
„იმაზე ვლოცულობ, რომ უფალი შეგვეწიოს“, - მისი უწმინდესობის ეს სიტყვები მადლიერებით მავსებს და შთამაგონებს. მწამს, რომ ორივე წინამძღოლის ლოცვებითა და უფლის დახმარებით, იმედს, რომელსაც ეკლესია ჩემზე ამყარებს, წარმატება ექნება“, - დაწერა მაცოლამ.
ანდრეი მაცოლა - მსხვილი უკრაინელი მეწარმე, მელუდე, „პირველი კერძო ლუდსახარშის“ სამეთვალყურეო საბჭოს თავმჯდომარე და თანამფლობელი, დამფუძნებელი. მეუ-ს ამჟამინდელი მეცენატი, მის შექმნამდე იყო უმე (კ)-ს მთავარი სპონსორი. მის-ებში მას ბრალს სდებდნენ იმაში, რომ ის ეწეოდა აქტიურ ბიზნესს რუსეთში, თუმცა ეს არ უშლიდა ხელს „პატრიოტულ ეკლესიას“ ესარგებლა მისი ფინანსური მხარდაჭერით.
