რფ-ის კურსკის ოლქში სროლების შედეგად მამათა მონასტრის ორი ტაძარი დაზიანდა

რუსეთში კურსკის ოლქის ტერიტორიაზე სამხედრო ქმედებების შედეგად დაზიანდა გორნალსკის წმინდა ნიკოლოზის ბელოგორსკის მამათა მონასტრის ორი ტაძარი.  მონასტერი მდებარეობს სუჯანსკის რაიონში, უკრაინის საზღვართან, იუწყება გამომცემლობა «Страна».

„მადლობა ღმერთს დაზარალებულები არ არიან. ყველა ცოცხალია. მონასტრის ორივე ტაძარი დანგრეულია, დაზიანდა ძმათა საცხოვრებელი კორპუსები“, - განუცხადა პრესას მონასტრის წინამძღვარმა, იღუმენმა პიტირიმმა.

დანგრეულია ორი ტაძარი, აგრეთვე მონასტრის საცხოვრებელი შენობები.

როგორც მჟკ იუწყებოდა, 2023 წელს უმე-ში განაცხადეს, რომ საბრძოლო ქმედებების შედეგად უკრაინაში დაზიანდა 329 ტაძარი.