უმე-ში ისაუბრეს ბერ-მონაზვნების ყრილობის შესახებ პოჩაევოს ლავრაში
22 უმე-ს არქიეპისკოპოსი და დაახლოებით 300 მოადგილე (იღუმენები), იღუმენიები და მონასტრებისა და სკიტების წარმომადგენლები მონაწილეობენ უმე-ს ყრილობაზე პოჩაევოში.
2021 წლის 15 ივლისს ყოვლადწმინდა ღვთისმშობლის მიძინების პოჩაევოს ლავრაში მიმდინარეობს უკრაინის მართლმადიდებელი ეკლესიის ბერ-მონაზონთა ყრილობა, რომელზეც იერარქები, იღუმენები, წინამძღვრები და მონასტრებისა და სკიტების წარმომადგენლები საუბრობდნენ სიტუაციაზე მსოფლიო მართლმადიდებლობაში და სავანეების ცხოვრებაზე თანამედროვე პირობებში , იუწყება უმე-ს საინფორმაციო-საგანმანათლებლო განყოფილება.
ყრილობის მიმდინარეობისას ვიშგოროდისა და ჩერნობილის მიტროპოლიტმა პავლემ მოხსენება გააკეთა თემაზე: "მონაზვნობის როლი და მნიშვნელობა ადამიანის სულის გადარჩენაში", ხოლო იღუმენია სერაფიმამ (შევჩიკი),ოდესის მთავარანგელოზ მიქაელის დედათა მონასტრის წინამძღვარმა ისაუბრა იმაზე, რომ მონაზვნობა- კანონიკური მართლმადიდებლობის საყრდენია.
კიევის სასულიერო სკოლების რექტორი, ბელგოროდის ეპისკოპოსი სილვესტერი საუბრობდა თემაზე: "სიტუაცია მსოფლიო მართლმადიდებლობაში პატრიარქ ბართლომეს ქმედებების შედეგად უკრაინაში და უმე-ს მონაზვნობის შესაძლო წვლილი მის გადაწყვეტაში", პოჩაევოს მიტროპოლიტი ვლადიმირი- მონაზვნობაზე თანამედროვე მსოფლიოში.
ზიმნენსკის ყოვლადწმინდა ღვთისმშობლის მიძინების სტავროპიგიალური მონასტრის წინამძღვარმა, იღუმენია სტეფანამ (ბანდურა) მოამზადა თემა: " გაჯეტები მონასტერში: მობილური ტელეფონების, ქსელების, ინტერნეტის გამოყენება სავანეში - სარგებლობა და საშიშროება", ხოლო უჟგოროდის ამაღლების მონასტრის არქიმანდრიტმა მარკმა (კუშტანი) თავის მოხსენებაში გააზიარა მოსაზრება თემაზე:" მონაზვნობისკენ მოწოდება. როგორ აღვზარდოთ ახალგაზრდებში მისწრაფება მონაზვნობისკენ?"
ახტირსკის წმინდა სამების მონასტრის მოადგილემ, არქიმანდრიტმა სემეონმა (გაგატიკი) გააზიარა თავისი მოსაზრება თემაზე: "თანამედრობე მონაზვნობა: შესაძლებელი და შეუძლებელი", მაშინ როდესაც სვიატოგორსკის მიტროპოლიტმა არსენმა ისაუბრა სულიერ ხელმძღვანელობაზე სავანეში.
ბორისპოლის ეპარქიის ვიკარმა,ზგუროვსკის ეპისკოპოსმა ამბროსიმ წარმოადგინა მოხსენება: "მონასტრების საგანმანათლებლო და სასწავლო მოღვაწეობა", ჟიტომირში ანასტასიევსკის სტავროპიგიალური მონასტრის იღუმენიამ მიხაილამ (ფურმანეცი) განიხილა დედათა მონასტრის სასულიერო ხელმძღვანელობის თავისებურებები.
როგორც იუწყებოდა მჟკ, პოჩაევოს ლავრაში მუშაობა დაიწყო უმე-ს მონაზვნობის ყრილობამ.
