პროვოკაციების გამო მიტროპოლიტი თეოდოსი სასამართლოს თხოვს, რომ სასამართლო პროცესი ონლაინ გააგრძელონ
მეუფემ განაცხადა, რომ სამართალდაცვის წარმომადგენლები ვერ უზრუნველყოფენ იმ ხალხის უსაფრთხოებას, ვინც სასამართლოში მის მხარდასაჭერად მოდის.
უმე-ს კანევსკისა და ჩერკასკის მიტროპოლიტმა თეოდოსმა (სნიგირიოვი) განაცხადა, რომ თხოვს სასამართლოს მისი საქმის მოსმენების ონლაინ გაგრძელებას - სასამართლოს შენობასთან მუდმივი პროვოკაციების გამო. მეუფემ მიმართა მორწმუნეებს, რომლებიც სასამართლოს შენობასთან მის მხარდასაჭერად მოვიდნენ, მან თქვა, რომ „ჩვენ ვერ მოვდივართ სასამართლოში მშვიდად და აქედანაც მშვიდად ვერ მივდივართ“.
„სამწუხაროდ, პოლიცია ვერ უზრუნველყოფს ჩვენს უსაფრთხოებას: ხელები გვემტვრევა, მანქანა ილეწება, ხულიგნები ბორბლებში გვივარდებიან“, - თქვა მიტროპოლიტმა თეოდოსმა.
მეუფემ გაიხსენა ნადეჟდა ჩერნიავსკაიას მოტეხილი ხელი და განაცხადა, რომ ქალბატონი ადვოკატი კიევიდან ვერ ჩამოვიდა მუხლის ტრავმის გამო.
მან ხაზი გაუსვა, რომ შეუძლია რისკზე წავიდეს, მაგრამ მრევლს რისკის ქვეშ ვერ დააყენებს. „ამიტომ, ალბათ, ჩვენ მივმართავთ სასამართლოს თხოვნით, რომ მან დაუშვას ჩვენი დისტანციური მონაწილეობა ამ სხდომებში“, - დაასრულა უმე-ს იერარქმა.
მანამდე მჟკ წერდა, რომ ჩერკასკის სასამართლოსთან უმე-ს იერარქმა საგანგებო განაცხადით მიმართა გაეროს.
