სასამართლომ დაიწყო სადოვის უმე-ს მღვდლის საჩივრის განხილვა
დეკანოზი ვლადიმერ მელესი ედავება მეუ-ს თემის ქმედებას, რომელიც ცდილობს გამოასახლოს მისი ოჯახი ეკლესიის სახლიდან ვოლინის ოლქის სოფელ სადოვში.
2021 წლის 1 ივნისს შედგა მოსამზადებელი სასამართლო სხდომა ლუცკის რაიონულ სასამართლოში ვოლინის ეპარქიის უმე-ს მღვდლის ვლადიმერ მელესის საჩივარზე მეუ-ს თემის მიმართ სოფელ სადოვში, რომელიც ცდილობს გამოასახლოს მისი ოჯახი საეკლესიო სახლიდან, იუწყება ეპარქიის ოფიციალური საიტი.
მღვდელმა თხოვნით მიმართა სასამართლოს გააუქმოს სახელმწიფო რეგისტრატორის გადაწყვეტილება მისი საცხოვრებელი სახლის საკუთრების უფლება გადააფორმოს მეუ-ს თემზე. მამა ვლადიმერის შუამდგომლობით სასამართლომ გადაწყვიტა გამოიწვიოს სოფლის საბჭოდან საცხოვრებელი სახლის საყოფაცხოვრები წიგნის ასლები. კერძო ნოტარიუსი ნატალია კურტისგან სასამართლო ითხოვს სარეგისტრაციო საქმის ასლს, რომლის საფუძველზე მან 2020 წლის 15 მაისს, სახელმწიფო რეგისტრატორის უფლებამოსილებით, გადააფორმა სახლი.
სასამართლო სხდომაზე მოწმის სახით გამოძახებული იყვნენ სადოვის სტაროსტა ივან შენიუხი და მეუ-ს ადგილობრივი თემის "მღვდელი" ნაზარ პარტიკა. "ხსენებულმა დოკუმენტებმა და მოწმეებმა უნდა დაამტკიცონ სახელმწიფო რეგისტრატორის კანონიერი ან უკანონო ქმედება საცხოვრებელი სახლის მეუ-ს თემისთვის საკუთრების უფლების გადაფორმებაზე",- აღნიშნავენ უმე-ს ვოლინის ეპარქიაში.
როგორც მჟკ იუწყებოდა, უმე-ს მღვდელმსახურმა სადოვში თქვა, რომ მისი შვილიშვილი ვერ იძინებს მეუ-ს ბანდიტების თავდასხმის შემდეგ.
