ალექსანდრიის საპატრიარქოში ქალი დიაკვნად „აკურთხეს“

2024 წლის 2 მაისს, დიდ ხუთშაბათს, ალექსანდრიის ზიმბაბვეს მართლმადიდებლური ეკლესიის მიტროპოლიტმა სერაფიმემ (კიკოტისმა) ანჟელიკა მოლენი „აკურთხა“ დიაკვნად.

ვებგვერდი orthodoxdeaconess.org, სადაც ეს ინფორმაცია განთავსდა, იუწყება, რომ ასეთი „ისტორიული მოვლენა ვერ მოხდებოდა ალექსანდრიის ეკლესიის წმინდა სინოდისა და პატრიარქ თეოდორეს თანხმობისა და მხარდაჭერის გარეშე“.

დიაკონი ანჟელიკა მრავალი წლის მანძილზე მუშაობდა ზიმბაბვეს მართლმადიდებელი ახალგაზრდობის მოსაზიდად და მის საზოგადოებაში პასტორალური მზრუნველობის საფუძვლების დასამკვიდრებლად.

მან მოაწყო საეკლესიო სკოლა, დედათა ჯგუფები და ახალგაზრდული შეხვედრები. ვებსაიტის orthodoxdeaconess.org-ის ინფორმაციით, ანჟელიკა „აგრძელებს საუნივერსიტეტო განათლებას“ და „სწავლობს გეოგრაფიასა და ეკოლოგიას, აყენებს დედამიწის სიწმინდეს თავის სამუშაოს წინა პლანზე“.

მისი სიტყვებით, „დედამიწა არის ღვთის წმინდა საჩუქარი. ჩვენ უნდა დავიცვათ იგი ზიანისგან და ვიცხოვროთ მცენარეებთან, ცხოველებთან და ყველა ცოცხალ არსებებთან ჰარმონიაში“.

კითხვაზე, თუ როგორ გრძნობდა თავს ხელდასხმისას, ანჟელიკამ უპასუხა: „თავდაპირველად ვნერვიულობდი, როცა საკურთხეველში შევედი, მაგრამ როდესაც მიტროპოლიტმა სერაფიმემ საკურთხეველში შესვლის კურთხევა მომცა, ჩემი დიაკვნად კურთხევის მოსამზადებლად, ეს გრძნობები გაქრა და თავი კომფორტულად ვიგრძენი, მივხვდი, რომ მზად ვიყავი".

მიტროპოლიტმა სერაფიმემ აფრიკაში დიაკონი ანჟელიკას მომავალი როლის შესახებ კითხვაზე პასუხის გაცემისას განაცხადა, რომ „ის გააკეთებს იმას, რასაც დიაკვანი აკეთებს წირვა-ლოცვაზე და ყველა ზიარებაზე ჩვენს მართლმადიდებლურ მსახურებაზე“.

ამავე ვებსაიტზე orthodoxdeaconess.org ხაზს უსვამს, რომ დიაკონ ანჟელიკას შემთხვევაში საუბარია კონკრეტულად ხელდასხმაზე: „აკურთხეს დიაკონი ანჟელიკა, რაც აღნიშნავს დიაკონის ინსტიტუტის სამოციქულო ტრადიციის დაბრუნებას“.

უკვე 4 მაისს, დიდ შაბათს, მიტროპოლიტმა სერაფიმემ დიაკონი ანჟელიკა აამაღლა მთავარდიაკონის ხარისხში.

ადრე მჟკ წერდა, რომ ქსელმა აჩვენა, თუ როგორ ასწავლიდა მეუ-ს სასულიერო პირი გოგონას ეკლესიაში დიაკვნად მსახურებას.