უმე-ს წინამძღვარმა კიევ-პეჩორის ლავრაში უხელმძღვანელა სააღდგომო ღვთისმსახურებას
უმე-ს წინამძღვარმა მიულოცა მრევლს და სააღდგომო საჩუქრები დაურიგა.
2024 წლის 5 მაისის ღამეს, ქრისტეს წმინდა აღდგომის კვირას, უკრაინის მართლადიდებელი ეკლესიის წინამძღვარმა, კიევისა და სრულიად უკრაინის ნეტარმა მიტროპოლიტმა ონოფრემ ჩაატარა სააღდგომო ცისკრისა და წმინდა იოანე ოქროპირის სადღესასწაულო საღვთო ლიტურგია კიევ-პეჩორის წმინდა მიძინების ლავრის ღირსი აღაპიტ პეჩორელის სახელობის ტაძარში,-იუწყება უმე-ს საინფორმაციო-საგანმანათლებლო განყოფილება.
წინამძღვართან ერთად იმსახურეს უმე-ს ბორისპოლისა და ბროვარის მიტროპოლიტმა ანტონმა,მაკაროვსკის მიტროპოლიტმა ანტონმა, ვასილკოვის მიტროპოლიტმა იოასაფმა, ბელგოროდის არქიეპისკოპოსმა სილვესტერმა, ირპენის ეპისკოპოსმა ლავრმა, ბოროდიანკის ეპისკოპოსმა მარკმა,ასევე სასულიერო წოდების სტუმრებმა და მონასტრის სამღვდელოებამ.
საეკლესიო საგალობლები სამიტროპოლო და კიევის სასულიერო სკოლების სტუდენტთა გუნდებმა შეასრულეს.
უნეტარესმა მიტროპოლიტმა ონოფრემ ეკლესიის მრევლს მოულოცა ქრისტეს აღდგომა და დაურიგა სააღდგომო საჩუქრები.
ტრადიციულად ღვთისმსახურებმა სახარება წაიკითხეს სხვადასხვა ენებზე.
ლიტურგიის მსვლელობისას კიევ-პეჩორის ლავრაში შემოიტანეს წმინდა ცეცხლი იერუსალიმის აღდგომის ტაძრიდან. წინამძღვარი სიწმინდეს შეხვდა ტაძრის შესასვლელთან, რის შემდეგაც მისგან კანდელი აანთო. წმინდა ცეცხლი იქ მყოფ მორწმუნეებს გადასცეს.
ლიტურგიის დასასრულს მიტროპოლიტმა ონოფრემ აკურთხა სააღდგომო არტოსი. შემდეგ უმე-ს წინამძღვარმა ნაკურთხი წყალი აპკურა მორწმუნეებს და მათ სააღდგომო კალათებს.
