ლაზარეს შაბათს მისმა უნეტარესმა ლიტურგია კიევ-პეჩერის ლავრაში აღავლინა

2024 წლის 27 აპრილს, ლაზარეს შაბათს, მისმა უნეტარესმა კიევისა და სრულიად უკრაინის მიტროპოლიტმა ონოფრემ საღმრთო ლიტურგია აღავლინა წმინდა მიძინების კიევ-პეჩერის ლავრაში, იუწყება უმე-ის საინფორმაციო-საგანმანათლებლო დეპარტამენტი.

წირვა პეჩერის წმინდა აღაპიტის სახელობის ტაძარში აღევლინა.

საღმრთო ლიტურგიის დროს წინამძღვარს თანამსახურებდნენ უმე-ის საქმეთამმართველი, ბორისპოლისა და ბროვარის მიტროპოლიტი ანტონი, კიევის ეპარქიის ვიკარები: ვასილკოვსკის მიტროპოლიტი იოასაფი, ირპენის - ლაურუსი, ბოროდიანსკის ეპისკოპოსი მარკოზი. კიევ-პეჩერის ლავრის სასულიერო პირები და სტუმრები წმინდა წოდებით.

საგანგებო ლიტანიაზე მათ მიმართეს უფალს განსაკუთრებული თხოვნით უკრაინის მიწაზე მშვიდობის დასმყარებლად და მტრისგან განსათავისუფლებლად; რათა უფალმა შეიწყალოს ჩვენი ხალხი და გადაარჩინოს სასოწარკვეთილნი და უსახლკარონი; ღვთის კურთხევა ითხოვეს კეთილი ნების მქონე ადამიანებისთვის, რომლებიც ეხმარებიან გაჭირვებულებს. ლიტანიის შემდეგ ლოცვაში წინამძღვარმა ღმერთს შეავედრა უკრაინელი ხალხი, რომ უფალმა დააბრძენოს ხელისუფლება, გააძლიეროს ჯარისკაცები გამბედაობით, გაათავისუფლოს პატიმრები, განკურნოს ავადმყოფები და თავშესაფარი მისცეს მათ, ვინც სახლი დაკარგა.

მსახურების დასრულების შემდეგ უნეტარესმა სამწყსოს მიმართა. მისმა უნეტარესმა იქადაგა მართალი ლაზარეს შესახებ, რომელიც უფალმა მკვდრეთით აღადგინა მეოთხე დღეს. მღვდელმთავარმა ადამიანის სული მიცვალებულ ლაზარეს შეადარა, რადგან მასაც სჭირდება ცოდვის სიკვდილიდან მარადიულ სიცოცხლეში აღდგომა.

დასასრულს, მისმა უნეტარესმა მიტროპოლიტმა ონოფრემ ყველას უსურვა ქრისტეს წმიდა აღდგომის დასწრება და დალოცა მორწმუნეები.