დრაბინკო: უმე-ის აკრძალვის შემდეგ, მათი თემების მასობრივი გადასვლა მეუ-ში არ დაიწყება
უმე-ის ყოფილმა მიტროპოლიტმა განაცხადა, რომ „უკრაინის მართლმადიდებლური ეკლესიის აკრძალვა შეუძლებელია, რადგან ის არ წარმოადგენს იურიდიულ პირს“.
მეუ-ს „იერარქმა“ ალექსანდრე დრაბინკომ თქვა, რომ უმე-ის აკრძალვის კანონპროექტი არ გაზრდის კანონიკური ეკლესიის თემების „გადასვლის“ რაოდენობას მეუ-ში. ამის შესახებ უმე-ის ყოფილმა მიტროპოლიტმა პოლონურ რადიოსთან ინტერვიუში ისაუბრა.
ჟურნალისტის კითხვას, დაიწყებენ თუ არა უმე-ის სამრევლოები მასობრივად გადასვლას მეუ-ში მას შემდეგ, რაც უზენაესი რადა მიიღებს კანონპროექტს 8731, დრაბინკომ თქვა, რომ ეს არ მოხდება.
„არ მგონია, რომ კანონის მიღების შემდეგ რაიმე სახის მასობრივი გადასვლა დაიწყოს, რადგან შეუძლებელია უკრაინის მართლმადიდებლური ეკლესიის აკრძალვა, რადგან ის არ არის იურიდიული პირი“, - აღნისნავს დრაბინკო.
„იურიდიული პირები არიან ეპარქიები, მონასტრები, სამრევლოები, რომლებსაც მოუწევთ დაამტკიცონ, თუ ვინმე განდევნის მათ, უნდა დაამტკიცონ, რომ ისინი არ შედიან მოსკოვის საპატრიარქოს შემადგენლობაში“, - თქვა მეუ-ს „იერარქმა“.
მისი თქმით, „ეს არის მინიმუმ 10 ათასამდე სარჩელი, რასაც უკრაინის სასამართლოები ელოდება ამ კანონის მიღების შემდეგ... ჯერ არ ვიცი, როგორ მოხდება ეს, მაგრამ დაველოდებით და ვნახოთ“.
მჟკ წერდა, რომ მეუ-მ აღიარა, ფილარეტ დენისენკოს "ხელდასმების" არაკანონიკურობა.
