აშშ-ში მუსულმან ქალებს პოლიციაში ჰიჯაბის გარეშე გადაღებული ფოტოსთვის გადაუხდიან 17 მლნ. დოლარს
პოლიციელებმა მუსულმან ქალებს მოსთხოვეს მოიხსნან ჰიჯაბები ფოტოსთვის, რომელიც გადაიღეს დაპატიმრების შემდეგ, ხოლო ამის შემდეგ მათ სარჩელი შეიტანეს სასამართლოში.
ქალაქი ნიუ-იორკი აპირებს მოაგვაროს ორი მუსულმანი ქალის ჯგუფური სარჩელი, რომლებსაც პოლიციის განყოფილებაში აიძულეს სურათებისთვის მოეხსნათ თავსაბურავები , 17,5 მილიონი დოლარის გადახდით (დაახლოებით 16 მილიონი ევრო).
სარჩელის თანახმად, მათ თავი დამცირებულად და დაუცველად იგრძნეს, როდესაც პოლიციელებმა აიძულეს მოეხსნათ ჰიჯაბი ფოტოს გადასაღებად 2017 წელს.
ჯამილა კ. დააპტიმრეს 2017 წლის იანვარში. პოლიციის თანამშრომლებმა მოსთხოვეს მას ჰიჯაბის მოხსნა, რათა გადაეღოთ სურათი და დაემუქრნენ დევნით, თუ ის უარს იტყოდა. "მათ მაიძულეს ჰიჯაბის მოხსნა, თავი გაშიშვლებულად ვიგრძენი",-განაცხადა მუსულმანმა ქალმა.
არვა ა. , დაპატიმრებული იმავე წლის აგვისტოში, განაცხადა, რომ თავი იგრძნო შინაგანად გატეხილად, როდესაც ფოტო გადაუღეს ათობით მამაკაცი-ოფიცრის და 30-ზე მეტი დაკავებულის თვალწინ.
ოფიციალური პირები თავდაპირველად იცავდნენ პრაქტიკას და ამბობდნენ, რომ ოფიცრებს რელიგიური წეს-ჩვეულებების პატივისცემა უნდა დაებალანსებინათ და დაკავებულების გადაღების „ლეგიტიმური პოლიციის საჭიროებასთან“.
მიუხედავად ამისა, 2020 წელს პოლიციამ შეცვალა ეს ნორმა. ახლა დაკავებულებს ნება აქვთ არ მოიხსნან თავსაბურავები, რომლებიც ფარავს მათ სახეს.
ადრე მჟკ წერდა, რომ აშშ-შ მუსულმანმა ქალმა მოიგო 85$ ათასი ჰიჯაბის მოხსნის იძულებისთვის.
