უმე-ს ვუსურვებ,რომ აღდგომას მშვიდობამ დაისადგუროს, - სერბი იერარქის მილოცვა
ბუდილმიანსკ-ნიკშიჩის ეპისკოპოსმა იოანიკიოსმა მიულოცა უმე-ს და მის მორწმუნეებს ქრისტეს ბრწყინვალე აღდგომის დამდეგი დღესასწაული.
აღდგომის წინ სერბეთის მართლმადიდებელი ეკლესიის იერარქმა, სმე-ეს ჩერნოგორია-პრიმორსკის მიტროპოლიის ადმინისტრატორმა, ბუდილმიანსკ-ნიკშიჩის ეპისკოპოსმა იოანიკიოსმა სააღდგომო მილოცვა გამოუგზავნა კიევისა და სრულიად უკრაინის უნეტარეს მიტროპოლიტ ონუფრის, უკრაინის მართლმადიდებელ ეკლესიას და უკრაინელ ხალხს.
სერბი იერარქის ვიდეომიმართვა გამოაქვეყნა უმე-ს საინფორმაციო-საგანმანათლებლო განყოფილებამ.
„მთელი გულით ვულოცავ მის უნეტარესობას კიევისა და სრულიად უკრაინის მიტროპოლიტ ონუფრის და სრულიად უკრაინის მართლმადიდებელი ეკლესიის იერარქიას, სამღვდელოებას, ბერ-მონაზვნობას და ერთგულ ხალხს ქრისტეს ბრწყინვალე აღდგომის დღესასწაულს, აღდგომას - სიკვდილიდან სიცოცხლეზე გადასვლის დღესასწაულს!
ლოცვით ვუსურვებ უკრანის მართლმადიდებელ ეკლესიას და მის ერთგულ ხალხს, რომ ამ დიდ დღესასწაულზე ზეიმი უდიდეს სიხარულში შედგეს, რათა შეჩერდეს ძმათა სისხლისღვრა, რომ დაისადგუროს მშვიდობამ და ძმური სიყვარული გამეფდეს კეთილი ნების ყველა ადამიანს შორის მოძმე სლავურ ქვეყანაში.
ვიზიარებ რა თქვენთან ერთად, ძვირფასო ძმებო და დებო, აღდგომის ბრწყინვალე დღესასწაულის სიხარულს, მსურს, რომ მეფემ ღვთიური ძალა მოგანიჭოთ ცოდვაზე, სიცრუეზე და ძმათა დაყოფაზე გამარჯვებისთვის, რომ ყოველთვის იყოთ მისი აღდგომის თანაზიარი! ქრისტე აღსდგა!“ - გვისურვა სერბეთის მართლმადიდებელი ეკლესიის იერარქმა.
შეგახსენებთ, რომ ადრე სერბეთის პატრიარქმა პორფირემ ხაზი გაუსვა, რომ სერბეთის მართლმადიდებლი ეკლესია ყოველთვის არის წესრიგისა და კანონების მხარეს, მათ შორის, „უკრაინულ საკითხზე“.
