უმე-ის აკრძალვის კანონპროექტზე კენჭისყრა შესაძლოა გადაიდოს
რადაში კანონპროექტს კენჭს არ უყრიან ხმების უქონლობის გამო.
2024 წლის 20 მარტს ჩანიშნული კენჭისყრა კანონპროექტზე N8371, რომელიც კრძალავს უმე-ის საქმიანობას, დიდი ალბათობით არ ჩატარდება. ხმების არასაკმარისი რაოდენობის გამო, დღის წესრიგიდან განსახილველად წარდგენილი კანონპროექტების ამოღება დაიწყო, ამის შესახებ სახალხო დეპუტატმა იაროსლავ ჟელეზნიაკმა განაცხადა.
კერძოდ, დეპუტატმა განაცხადა, რომ საპრეზიდენტო კანონი ორმაგი მოქალაქეობის შესახებ კენჭისყრიდან ამოიღეს.
ტელეგრამის რამდენიმე არხი წერს, რომ დეპუტატები სამსახურში არ გამოცხადებით გამოხატავენ პროტესტს.
როგორც ,,უკრაინსკაია პრავდა’’ წყაროებზე დაყრდნობით აცხადებს, ფრაქცია „ხალხის მსახურის“ 235 დეპუტატიდან 170-180 რეგულარულად მოდის სხდომაზე და აქტიურად უყრის კენჭს. დანარჩენები ან გაემიჯნენ ან არ ესწრებიან შეხვედრებს.
როგორც ამბობენ, დივერსიის მიზეზად პრეზიდენტის ადმინისტრაციის რამდენიმე კანონპროექტზე ხმის მიცემის სურვილის არქონა გახდა, მაგალითად, „მობილიზაციის შესახებ“.
შედეგად, კენჭისყრა უმე-ის აკრძალვაზე შესაძლოა გადაიდოს სხვა სკანდალური კანონპროექტების გამო.
„პროექტი წინააღმდეგობრივია. ჩვენი ფრაქციის ბევრი წევრი მას მხარს არ უჭერს. და თუ ის მიიღება, მათ შეუძლიათ უარი თქვან კენჭისყრაზე სხვა საკითხებზე. მობილიზაცია კი კარს არის მომდგარი. ყველა ხმას აქვს მნიშვნელობა. დავითს (ჩვ. ფრაქციის ლიდერი დავით არახამია - რედ.) არ სურს რისკზე წასვლა. ასე რომ, ჯერ-ჯერობით კანონპროექტი გადაიდო, მაგრამ მობილიზაციის შესახებ კანონპროექტის მიღების შემდეგ, სავარაუდოდ, მას დაუბრუნდებიან“, - განუცხადა Strana.ua-ს წყარომ.
როგორც მჟკ წერს, ცნობილი გახდა უმე-ის შესახებ შეცვლილი კანონპროექტის დებულებები.
