რელიგიური ადამიანები უფრო მეტხანს ცოცხლობენ, ვიდრე არარელიგიურები - ამტკიცებს კვლევა
„წარმატებული დაბერების“ გასაღების ძიებაში მკვლევარებმა გააანალიზეს სიცოცხლის ხანგრძლივობა ავსტრიისა და გერმანიის კათოლიკურ მონასტრებში.
ავსტრიის მეცნიერებათა აკადემიის დემოგრაფიის ინსტიტუტში ჩატარებული კვლევის შედეგად მეცნიერებმა დაასკვნეს, რომ რელიგიური ადამიანები საშუალოდ 5 წლით მეტხანს ცოცხლობენ, ვიდრე არამორწმუნეები.
კვლევის მიზანი იყო ჯანმრთელობისა და დღეგრძელობის გადამწყვეტი ფაქტორების შესწავლა. კვლევის ხელმძღვანელი მარკ ლუი თვლის, რომ რეგულარული ყოველდღიური რუტინა, კვება და ლოცვა დადებითად მოქმედებს ბერების ჯანმრთელობაზე.
"წარმატებული დაბერების" გასაღების ძიებაში მკვლევარებმა გააანალიზეს სიცოცხლის ხანგრძლივობა ავსტრიისა და გერმანიის მონასტრებში. აქამდე გერმანიისა და ავსტრიის 16 სხვადასხვა მონასტრიდან მონაწილეობა მიიღო 1158 სასილიერო პირმა - 622 მონაზონი და 536 ბერი.
კვლევისას მეცნიერებმა დაასკვნეს, რომ მორწმუნე ქალები „მხოლოდ“ ერთი წლით მეტხანს ცხოვრობენ რელიგიურ მამაკაცებთან შედარებით. ეს აღმოჩენა შოკისმომგვრელი იყო მეცნიერებისთვის, რადგან ეწინააღმდეგება არსებულ ფაქტს, რომ მსოფლიოში ქალების სიცოცხლის ხანგრძლივობა გაცილებით მეტია, ვიდრე მამაკაცების სიცოცხლის საშუალო ხანგრძლივობა.
სწორედ ამიტომ, კვლევის ხელმძღვანელმა განაცხადა, რომ თუ ქალები და მამაკაცები იცხოვრებენ მონაზვნური ჩვევების შესაბამისად (რუტინი, კვება და ლოცვა), მაშინ მათ შორის სიცოცხლის საშუალო ხანგრძლივობის სხვაობა მხოლოდ ერთ წლამდე შემცირდება.
ეს, მარკ ლუისის აზრით, აჩვენებს, რომ სიცოცხლის ხანგრძლივობა დამოკიდებულია არა მხოლოდ ბიოლოგიურ ფაქტორებზე, არამედ იმ ასპექტებზეც, რომლებზეც შეიძლება გავლენა იქონიოს.
მჟკ წერდა, რომ ბრიტანელი მეცნიერების კვლევის მიხედვით მორწმუნეები ათეისტებზე ბედნიერები არიან.
