ეკლესია ნეტარი ქსენია პეტერბურგელის ხსენების დღეს აღნიშნავს

6 თებერვალს მართლმადიდებელი ეკლესია აღნიშნავს წმინდა ნეტარი ქსენია პეტერბურგელის ხსენების დღეს, რომელიც მეუღლეს გარდაცვალების შემდეგ სალოსურ ცხოვრებას შეუდგა.

მომავალი წმინდანი დაიბადა დაახლოებით 1731 წელს პეტერბურგში დიდგვაროვან, შეძლებულ ოჯახში. სრულწლოვანების მიღწევამდე, ქსენია დაქორწინდა პოლკოვნიკ ანდრეი პეტროვზე.

მეუღლის უეცარი გარდაცვალების შემდეგ, ქსენიამ გადაწყვიტა უარი ეთქვა ამქვეყნიურ ცხოვრებაზე და თავი მიუძღვნა ღმერთის მსახურებას. მან უარყო თავისი სიმდიდრე, დაურიგა იგი გაჭირვებულებს და დაიწყო უბრალო ცხოვრება, ცხოვრობდა მარტოობაში და მოკრძალებაში.

წმიდანი ხან ნაცნობების ღარიბ სახლებში ათენებდა ღამეს, ხან ღამით ქალაქგარეთ გადიოდა მინდორში და იქ გათენებამდე ლოცულობდა.

ნეტარი ქსენია ასევე ხშირად იდგა წმინდა მათე მოციქულის ეკლესიასთან, სადაც მოწყალებას ითხოვდა და მოგვიანებით გაჭირვებულებს ურიგებდა.

დაუცხრომელი ღვაწლისთვის წმინდანს განჭვრეტის, სასწაულთქმედების და კურნების ნიჭი მიემადლა. მოსახლეობა არაერთხელ გახდა მომსწრე: „ნეტარმა ავადმყოფი ბავშვი ხელში რომ აიყვანოს ან დალოცოს, აუცილებლად გამოჯანმრთელდება; თუ მაღაზიის დახლიდან რამე წვრილმანს აიღებს, გამყიდველს ვაჭრობაში ხელი მოემართება; თუ ის სახლში შევა, იქ მშვიდობა და ჰარმონია დაისადგურებს“.

ნეტარი ქსენიას ყველაზე ცნობილი წინასწარმეტყველება იყო იმპერატრიცა ელიზაბეტ პეტროვნას სიკვდილი.

წმიდა ნეტარმა ქსენია პეტერბურგელი 45 წლის განმავლობაში ეწეოდა სალოსულ ცხოვრებას და განისვენა XIX საუკუნის დასაწყისში. ნეტარი ქსენიას ლოცვებით დღემდე მრავალი განკურნების სასწაული აღესრულება. იგი წმინდანად შერაცხეს რუსეთის მართლმადიდებლური ეკლესიის ადგილობრივ საბჭოში 1988 წლის 6 ივნისს.

როგორც მჟკ იტყობინება, ეკლესია აღნიშნავს მოციქულთა თანასწორი ნინოს ხსოვნას.