ფანარის ხელმძღვანელმა საშობაო წირვა-ლოცვა სტამბოლის „რუსულ“ თემში აღავლინა

2024 წლის 7 იანვარს, იულიუსის კალენდრით ქრისტეს შობის დღეს, კონსტანტინოპოლის პატრიარქმა ბართლომემ ღვთისმსახურება სტამბოლის რუსულენოვან საზოგადოებაში აღავლინა. წირვის მსვლელობა მსოფლიო საპატრიარქოს ფეისბუქის გვერდზე გამოქვეყნდა.

შობის ღვთისმსახურება სტამბოლში, ვატოპედის მონასტრის წმინდა ანდრიას სახელობის მეტოქიონში აღევლინა.

ქადაგებისას პატრიარქმა აღნიშნა, რომ „შობა სწორედ ის დღესასწაულია, რომელიც აერთიანებს რუსებს, უკრაინელებს, ბერძნებს, რუმინელებს“ და სხვა ეროვნების წარმომადგენლებს.

„ამ დიდ დღესასწაულზე მე ვერ ვიქნებოდი  თქვენგან, ჩემი შვილებისგან შორს. შობა 25 დეკემბერს აღვნიშნეთ, მაგრამ რადგან ახლა ჩვენი სამწყსო იულიუსის კალენდრის მიხედვით აღნიშნავს, არ შემეძლო არ მოვსულიყავი. <…> სამწუხაროდ, წმინდა ანდრიას ტაძრის მფარველ დღესასწაულზე ვერ მოვედი, ამიტომ დღეს ორმაგად მიხარია აქ ყოფნა - შობის დღესასწაულზე“, - განაცხადა ფანარის წინამძღვარმა.

როგორც მჟკ იტყობინება, პოლონეთის პრეზიდენტმა მართლმადიდებელ ქრისტიანებს შობა მიულოცა.