ათონის ხუთმა იღუმენმა ბერძნებს მოუწოდა არ აიღონ ახალი ციფრული პასპორტები

ათონის მთის მონასტრების ხუთმა იღუმენმა მოუწოდა საბერძნეთის მოქალაქეებს, არ იჩქარონ ახალი ციფრული პირადობის მოწმობების აღება, წერს Vima Orthodoxy.

დოქიარის, ქსიროპოტამუსის, ფილოთეოსის, ყარაკალისა და კონსტამონიტის მონასტრების წინამძღვრებმა, აგრეთვე ათონის უხუცესებმა, ბერებმა, წინამძღვრებმა და საბერძნეთში მდებარე მონასტრების წარმომადგენლებმა დაწერეს მიმართვა, რომელშიც გააკრიტიკეს საბერძნეთის მთავრობის გადაწყვეტილება ახალი ციფრული პირადობის მოწმობების შემოღების შესახებ.

მათ აღნიშნეს, რომ ძალიან ხშირად ადამიანი იყენებს ციფრული ტექნოლოგიების მიღწევებს „არა თავის სასიკეთოდ, არამედ საკუთარი განადგურებისთვის“.

მათი თქმით, „ბევრ მოქალაქეს მართებულად შიშობს, რომ ციფრული ინფორმაციის უზარმაზარი ძალა მომავალში გამოყენებული იქნება მათი პირადი თავისუფლების შეზღუდვისთვის, კონფიდენციალურობის გასაკონტროლებლად და თანდათანობით გლობალური ტოტალიტარული სისტემის შესაქმნელად“.

„ამგვარ ტირანულ სისტემას ერთ მშვენიერ დღეს გამოიყენებს ანტიქრისტე - აპოკალიფსის წინასწარმეტყველების მიხედვით - როგორც საშუალებას მისი მსოფლიო ბატონობის დასამყარებლად“, - ნათქვამია მიმართვაში.

ბერებმა ხაზგასმით აღნიშნეს, რომ „თავისუფლება არის უმაღლესი და უდავო სიკეთე“, „დემოკრატიული ღირებულებები ჯანსაღი საზოგადოების ფუნდამენტური ელემენტებია“ და „ჩვენ არავითარ შემთხვევაში არ გვინდა წვლილი შევიტანოთ რაიმე ტირანული ხელისუფლების ჩამოყალიბებაში“.

მათ განაცხადეს, რომ „არ ეთანხმებიან და ეწინააღმდეგებიან ელექტრონული პირადობის მოწმობისა და პირადი საიდენტიფიკაციო ნომრის სავალდებულო ხასიათს და ითხოვენ, რომ ისინი არასავალდებულო გახდეს“.

„ჩვენ ასევე არ ვეთანხმებით ნაღდი ფულის გაუქმებას და საბერძნეთის მოქალაქეების პერსონალურ მონაცემებთან დაკავშირებული მონაცემთა ბაზების მიმდინარე კონსოლიდაციას“, - ნათქვამია დოკუმენტში.

ბერების თქმით, „ყველა ეს ურთიერთდაკავშირებული საკითხი - ნაღდი ფულის გაუქმება, მონაცემთა ერთიანი ბაზები, პერსონალური საიდენტიფიკაციო ნომერი, ელექტრონული პირადობის მოწმობა - აუცილებლად გამოიწვევს მოქალაქეების ეკონომიკურ და სოციალურ საქმიანობაზე სრულ კონტროლს.

ათონიტებმა და ბერძნული მონასტრების წარმომადგენლებმა იმედი გამოთქვეს, რომ „საბერძნეთის მთავრობა ყურად იღებს ამ დოკუმენტში გამოხატულ ჩვენს კანონიერ შეშფოთებას, მოგვისმენს და არ შეზღუდავს ჩვენს კონსტიტუციით გარანტირებულ თავისუფლებას, პრეზიდენტის ბრძანებულების შესაბამისად ციფრული პირადობის მოწმობის მიღებით. ”

„ჩვენ ვურჩევთ ჩვენს მორწმუნე ძმებსა და დებს, რომ არ იჩქარონ ახალი საიდენტიფიკაციო ბარათების და პირადობის აღება, არამედ ამოწურონ ყველა არსებული ვადები“, - წერენ ბერები და მორწმუნეებს პროტესტისკენ მოუწოდებენ „ყველა შესაბამისი და კანონიერი საშუალებით, კოორდინირებული გამოსვლებიტ, რომ ბარათების აღება არასავალდებულო გახდეს.“

„ეს უდავოდ აპოკალიფსური დროა. ასე რომ, ნუ ვიქნებით თვითკმაყოფილი. მოდით ვიძერუნოთ იმაზე, რაც ჩვენს ირგვლივ ხდება. თანამედროვე ციფრული საზოგადოების დაპირებული კომფორტის მიღმა იმალება არალიბერალური სისტემის ბორკილები“, - წერენ ბერები.

ისინი მოუწოდებდნენ „ჩვენი ეკლესიის მოწამეობისა და ასკეტიზმისაკენ“ და მზადყოფნისკენ, „როდესაც საჭირო იქნება, შესწირონ არა მხოლოდ ციფრული სამყაროს ხელსაყრელობა, არამედ საკუთარი სიცოცხლეც კი, რათა აღიარონ ერთგულება წმინდა სამების მიმართ“.

ათონის წინამძღვრების გარდა, დოკუმენტს ხელი მოაწერეს კიდევ 36 ბერძნული მონასტრის წინამძღვრებმა.

ადრე მჟკ წერდა, რომ რუსეთში ციფრული გენეტიკური პასპორტები დაინერგება.