უკრაინაში ტოტალური კონტროლის მიზნით „მოქალაქეთა რეიტინგის“ შემოღება სურთ
უმაღლეს რადაში მუშავდება პროექტი, რომელსაც შეუძლია უკრაინელების ცხოვრების სხვადასხვა სფეროზე სახელმწიფო კონტროლის ლეგიტიმაცია.
უკრაინაში შეიძლება მალე შეიქმნას მოქალაქეთა მონაცემთა ერთიანი ბაზა, რომელიც თითოეულ უკრაინელზე შეიცავს სხვადასხვა წყაროებიდან ამოკრებილ მონაცემებს, რაც საშუალებას მისცემს ხელისუფლებას დაამყაროს ტოტალური „ციფრული დიქტატურა“, იუწყება «Вести»
რეესტრში შეკრებილ მონაცემთა საფუძველზე ჩამოყალიბდება მოქალაქეთა სოციალური რეიტინგი. ნიმუშად აღებულია სოციალური რეიტინგის სისტემა ჩინეთში, სადაც ერთიანი საინფორმაციო ორგანო აწარმოებს ხალხის ანალიზს 160 კრიტერიუმით. დაბალი რეიტინგის დროს ადამიანი შეიძლება დაითხოვონ სახელმწიფო სამსახურიდან, უარი უთხრან არენდაზე, არ მისცენ კრედიტი და ა.შ. რეიტინგის დაკარგვა შესაძლებელია, მაგალითად, გადასახადებისა და ჯარიმების გადაუხდელობის გამო, საზოგადოებრივ ადგილებში და ტრანსპორტში მოწევისთვის, მოძრაობის წესების დარღვევის გამო, მთავრობის საწინააღმდეგო პროტესტებში მონაწილეობისთვის და სოცქსელებში რისხვის შემცველი პოსტებისთვის.
უკრაინის პარლამენტის გამოცემის წყაროების მონაცემთა თანახმად, შესაბამისი პროექტი უკვე მუშავდება უმაღლეს რადაში.
„ახალ პროექტს შეუძლია კანონიერი გახადოს სახელმწიფოს კონტროლი ადამიანის ცხოვრების სხვადახვა სფეროზე. ეს არის მოქალაქეთა შეფასება სხვადასხვა პარამეტრებით, როგორც ჩინეთში სოციალური კრედიტის სისტემა. სასარგებლო საზოგადოებრივი საქმიანობისთვის, მაგალითად, დონორობისთვის, ვოლონტიორობისთვის, რომელიც ამჟამად არანაირად არ რეგულირდება, სოციალურ პროექტებში მონაწილეობისთვის, მაგალითად, სოციალური ბიუჯეტების შემუშავებისთვის ან კრედიტების დროული დაფარვისთვის დაირიცხება ქულები. ხოლო ჯარიმებისთვის, სხვადასხვა სფეროში ვალებისთვის, ალიმენტების ჩათვლით, გადასახადებისგან თავის არიდების გამო ქულები ჩამოიჭრება. საბოლოოდ ადამიანს გაუჭირდება სამსახურის შოვნა, კრედიტის აღება და საზღვარგარეთ წასვლაც კი. ეს ყველაფერი შესაძლებელი იქნება, როდესაც უკრაინაში არსებული ყველა ბაზა გაერთიანდება ერთიან ბაზაში“, - განუცხადა გამომცემლობას ერთ-ერთმა სახალხო დეპუტატმა და დაამატა, რომ ასეთი იდეები ახლა განიხილება, „ხოლო რა და როდის იქნება, ჯერ უცნობია“.
ზოგიერთი მონაცემით, ეს იდეები განხორციელდება ახალ სამოქალაქო კოდექსში.
როგორც ადვოკატმა ივანე ლიბერმანმა აღნიშნა, „ახალ-ახალი ბაზების დანერგვასთან ერთად, უკრაინელთა თავისუფლება შემოიფარგლება მხოლოდ „სამზარეულოთი“. ყველაფერი შემოწმდება, ყველა მონაცემი იქნება ერთიან სახელმწიფო რეესტრში, რომელიც მისაწვდომი იქნება ყველა მსურველისთვის. <...> ამ ბაზებით, როდესაც ისინი გაერთიანდებიან, „ერთი კლიკით“ ადამიანის საქმიანობის მთელი ისტორიის გაგება იქნება შესაძლებელი. მონაცემებზე დაყრდნობით კი - ადამიანის შეფასება, შესაბამისად, მას შეეზღუდება კეთილდღეობის მოპოვების საშუალებები“.
მანამდე მართლმადიდებელ ჟურნალისტთა კავშირი წერდა, რომ რუსეთის მართლმადიდებელი ეკლესიის წინამძღვარი გამოვიდა პიროვნების ციფრული კონტროლის წინააღმდეგ.
