უმე-ს დევნის გამო მსოფლიოში დიდი სკანდალი ჩაღდება, - სახალხო დეპუტატი
არტემ დმიტრუკის სიტყვებით, უმე-ს აკრძალვის იდეოლოგთა არგუმენტები „ადამიანის უფლებებისა და თავისუფლების დარღვევის ფონზე საცოდავად გამოიყურებიან“.
ხელისუფლების მიერ უკრაინის მართლმადიდებელი ეკლესიის დევნა, კერძოდ, უმაღლესი რადის მიერ მეუ-ს აკრძალვაზე მიმართული კანონპროექტის განხილვამ მსოფლიო საზოგადოებრიობაში სკანდალი გამოიწვია, რომელმაც შეიძლება სერიუზული ზიანი მიაყენოს კიევისა და მისი ევროპელი და ამერიკელი მოკავშირეების ურთიერთობებს. ამის შესახებ თავის Telegram-არხზე სახალხო დეპუტატმა არტემ დმიტრუკმა დაწერა.
„ილონ მასკმა მძაფრი რეაქცია მისცა ინფორმაციაზე მღვდელთა დაპატიმრებისა და უკრაინის მართლმადიდებელი ეკლესიის აკრძალვის შესახებ, მის პუბლიკაციაში ჩანს, რომ ის შოკირებულია ამ მოვლენებით, - აღნიშნა პარლამენტარმა. ამერიკელი სამართალმცოდნე ბობ ამსტერდამი აგრეთვე გამოვიდა სისხლის სამართლის პასუხისმგებლობის შესახებ გაფრთხილებებით. ამასთან ერთად, უნდა გვესმოდეს, რომ ეს დიდი სკანდალის მხოლოდ დასაწყისია, რომელიც გაჩაღდა ჩვენი დასავლეთის მოკავშირეებისგან დახმარების შეჩერების ფონზე. რა არგუმენტებიც არ უნდა ჰქონდეთ ეკლესიის აკრძალვის იდეოლოგებს, სადაც მილიონობით უკრაინელი ლოცულობს, ეს ახსნა-განმარტებები საცოდავად გამოიყურებიან ადამიანის უფლებებისა და თავისუფლების დარღვევის ფონზე“.
დეპუტატის სიტყვებით, „რელიგიური ორგანიზაციების აკრძალვა - ეს ქვეყნის შიგნით საზოგადოების განხეთქილებაა, აგრეთვე ეს არის სირცხვილი მსოფლიო საზოგადოებრიობის წინაშე“.
„ჩვენს ბეც ჩინოვნიკებს ტაძრებთან ბრძოლაში დაავიწყდათ, რომ ჩვენ მსოფლიოში მარტო არ ვართ და თუ პოლიციაში შეიძლება წაიყვანო ქალი უხერხული კითხვების გამო, რომელიც მოვიდა თავისი რწმენის უფლების დასაცავად, ამერიკელ და ევროპელ პოლიტიკოსებს ასე ვერ ჩაკეტავთ. მათ სურთ გაიგონ, თუ რა ხდება უკრაინაში. როდის მერე გაჩნდა უკრაინის კანონმდებლობაში კოლექტიური პასუხისმგებლობის ნორმები? რატომ უნდა აგებდეს პასუხს მთელი ეკლესია ეკლესიის მსახურთა მიერ კანონის დარღვევის ცალკეული შემთხვევების გამო, თუ სხვა უწყებებში და ორგანიზაციებში ასეთი პასუხისმგებლობა არ არსებობს?
ცივილიზებულ სამყაროს ეს არ მოსწონს. ის სამართლიანად ითხოვს, რომ ქვეყანამ პატივი უნდა სცეს საერთაშორისო წესებს არა მარტო საზღვარგარეთ გამართულ კონფერენციებზე და ტრიბუნებიდან გამოსვლებში, არამედ შეასრულოს საკუთარი მოვალეობები ქვეყნის შიგნითაც. საკუთარი მოქალაქეებისა და მთელი მსოფლიოს წინაშე. მით უმეტეს, რომ ისინი უკრაინის კონსტიტუციაშია გაწერილი, - წერს სახალხო დეპუტატი.
მან ხაზი გაუსვა, რომ დღეს უკრაინისთვის აუცილებელია მოკავშირეთა მხარდაჭერა და „დანაშაულია ამ მომენტში მთელი მსოფლიოს თვალწინ განხეთქილებამდე მიიყვანო საკუთარი ხალხი რელიგიური, ენობრივი ან ნებისმიერი სხვა ნიშნით“.
„უკრაინის მთავრობა უნდა დაბრუნდეს სამართლის ველში და შეწყვიტოს უკრაინის მართლმადიდებელი ეკლესიის დევნა. ეს ჯერ კიდევ შესაძლებელია შეჩერდეს საზოგადოებისთვის ზიანის მიყენების გარეშე. ჯერ კიდევ შესაძლებელია...“, - დაამატა არტემ დმიტრუკმა.
როგორც მჟკ იუწყებოდა, უმე-ს ამერიკელ ადვოკატ ბობ ამსტერდამთან ჟურნალსტ თაკერ კარლსონის ინტერვიუს სოცქსელში ორი დღე-ღამის განმავლობაში 47 მილიონზე მეტი ნახვა ჰქონდა. ვიდეო თავის გვერდზე გააზიარა ბიზნესმენმა ილონ მასკმა. ქსელის უამრავმა მომხმარებელმა მხარი დაუჭირა კარლონს და ამსტერდამს და გააკრიტიკა ვლადიმერ ზელენსკი.
