რომის პაპმა აღმოსავლეთის კათოლიკურ ეკლესიებს შეუცვალა კანონიკური წესი
პაპ ფრანცისკის ახალმა გზავნილმა ცალსახად შეცვალა „მის სამართლებრივ არეალში“ მყოფი (რომლებმაც მიიღეს კავშირი რომთან) ეკლესიების კანონების კოდექსი.
რომის პაპმა ფრანცისკმა საკუთარი ინიციატივით მოაწერა გზავნილს ხელი, რითაც შეიტანა შესწორებები აღმოსავლეთის კათოლიკური ეკლესიის კანონიკური წესების კოდექსში, - იტყობინება Vatican News.
ცვლილებები ზღუდავს უნიატების (მოკავშირეების) უფლებებს დამოუკიდებლად შექმნან სასულიერო ცხოვრებასთან დაკავშირებით ახალი ინსტიტუტები. ეს ეხება სამონასტრო ორდენებსა და კონგრეგაციებს (სამონასტრო კომპლექსებს).
„ამით რომის პაპს, რომელიც არის კათოლიკურ ეკლესიაში ერთადერთი კანონმდებელი, ეს ნორმები მოჰყავს იმ შესწორებებთან თანხვედრაში, რომლებიც მიღებული იყო ლათინური ეკლესიების კანონებში 4 ნოემბერს“, - განმარტეს ვატიკანში.
ადრე ითვლებოდა, რომ აღმოსავლეთის კათოლიკური ეკლესიები სარგებლობდნენ საკუთარი კანონიკური წესებით. მათ ასეც ეძახდნენ - „საკუთარი წესების ეკლესიები“.
როგორც იტყობინებოდა მჟკ, მეუ-ს (უკრაინის მართლმადიდებლური ეკლესია) წარმომადგენლებმა, კათოლიკეებმა და უნიატებმა ივანოვო-ფრანკოვსკში ჩაატარეს ეკუმენური ლოცვები.
