ოვრუჩის მღვდელმთავარი ეწვია უმე-ს დალუქული ტაძრის მრევლს რადომიშლიში
უმე-ს წმინდა ნიკოლოზის სახელობის ტაძარი რადომიშლის საქალაქო ხელისუფლებამ დალუქა პროვოკაციის შემდეგ, რომელიც მეუ-ს მომხრეთა მიერ იყო ორგანიზებული.
ოვრუჩისა და კოროსტენის მიტროპოლიტი ბესარიონი ეწვია ხელისუფლების მიერ დალუქულ უკრაინის მართლმადიდებელი ეკლესიის წმინდა ნიკოლოზის ტაძრის მრევლს ჟიტომირის ოლქის ქალაქ რადომიშლიში. ამის შესახებ იუწყებოდა უმე-ს ოვრუჩის ეპარქიის პრეს-სამსახური.
24 სექტემბერს მღვდელმთავარი ტაძართან შეხვდა მრევლს.
წმინდა ნიკოლოზის ტაძარი დალუქეს პროვოკაციის შედეგად, რომელიც მეუ-ს აქტივისტებმა მოაწყვეს „მღვდელ“ ვასილი კოლიშჩაკის მეთაურობით.
ეპარქიის პრეს-სამსახურის ინფორმაციით, მეუ-ს მრევლი გეგმავს რეგისტრაციას წმინდა ნიკოლოზის ტაძრის მისამართზე, შემდეგ კი მის მიტაცებას. ეპარქიაში არ გამორიცხავენ, რომ ქალაქის ხელისუფლება აპირებს რეიდერების მხარდაჭერას.
„იღუმენი იოანე (გრუშევსკი) და მისი მრევლი თავიანთ სიმართლეს საქალაქო საბჭოს დეპუტატებს უმტკიცებენ მართლმადიდებლური კანონიკური სამართლისა და უკრაინის კონსტიტუციის საფუძველზე და, თუ საჭირო იქნება, ამას კანონიერი გზით სასამართლოშიც დაამტკიცებენ“, - აღნიშნულია უწყებაში.
როგორც მჟკ იუწყებოდა, 2023 წ. 9 სექტემბერს მეუ-ს მომხრეები ღვთისმსახურების დროს შეიჭრნენ წმინდა ნიკოლოზის ტაძარში, ცდილობდნენ იქ თავიანთი „მსახურების“ ჩატარებას და საკურთხეველში შევარდნას, ცემდნენ და აგდებდნენ ქუჩაში კლირიკოსებს და მლოცველებს. კერძოდ, მათ დაარტყეს უშძ-ის დაჭრილ სამხედრომოსამსახურეს და თავს დაესხნენ მნათეს, რომლის შვილი იმყოფება ფრონტზე უკრაინის დასაცავად. რეიდერები აგრეთვე ცდილობდნენ პოლიციელთა პროვოცირებას, რომ მათ ყველა იქ დამსწრე ადამიანი ტაძრიდან გამოეყვანათ.
