კიევში უმე-ის ტაძრები სხვა კონფესიას შეიძლება გადასცენ, - კიევის საქალაქო საბჭოს დეპუტატი
კიევის საქალაქო საბჭოს დეპუტატმა, რომელმაც შესთავაზა კიევში უმე-ის 74 ეკლესიის „შემოწმება“, თქვა, რომ არავინ დაანგრევს სალოცავებს, მაგრამ ისინი შეიძლება სხვა კონფესიებს გადაეცეთ.
ვადიმ ვასილჩუკმა, კიევის საბჭოში უმე-ის „74 ეკლესიის შემოწმების“ პროექტის ავტორმა, თქვა, რომ კიევში დარღვევებით აღმართული სალოცავები შეიძლება გადაეცეს სხვა რელიგიებს გამოსაყენებლად. ამის შესახებ მან საკუთარ ტელეგრამ-არხზე დაწერა.
მისი თქმით, სასამართლო მიიღებს გადაწყვეტილებას კიევის უმე-ის თითოეულ ეკლესიაზე, რომელმაც დარღვია კანონი მშენებლობის დროს.
ვასილჩუკმა აღნიშნა, რომ არავინ აპირებს უმე-ის ეკლესიების დანგრევას კიევში, თუმცა მისი პროექტის ტექსტი ითვალისწინებს სალოცავების „დანგრევას“, რომლებიც „უნებართვოდ აშენდა“.
„სასამართლო გადაწყვეტს, რა უყოს უკანონოდ აშენებულ ნაგებობებს - გადაიტანოს ქალაქის ბალანსზე, სხვა რელიგიურ ორგანიზაციებს გადასცეს, თუ სხვა გადაწყვეტილება მიიღოს.
თითოეული შემთხვევა ინდივიდუალურად განიხილება!“ - წერს იგი. ამავდროულად, კიევის საკრებულოს დეპუტატმა არ დააკონკრეტა, თუ როგორ შეიძლება აშენდეს "დარღვევით" უმე-ს ეკლესიები, რომლებსაც აქვთ არქიტექტურული ძეგლის სტატუსი: ილინსკის ტაძარი პოდოლზე, შუამავლობის ეკლესია პრიორკაზე, ჯვართამაღლების ეკლესია ვოზდვიჟენკაზე, აღდგომის ეკლესია (“ავღანური”, − რედ.) კიევ-პეჩერის ლავრასთან და სხვა.
როგორც მჟკ იტყობინება, კიევის საქალაქო საბჭო განიხილავს უმე-ს 74 ეკლესიის დანგრევის პროექტს.
