ბერძენმა იერარქმა განაცხადა, რომ რომის კათოლიკური ეკლესია არ არის ქრისტეს ეკლესია

2023 წლის 16 სექტემბერს ბერძნული მართლმადიდებლური ეკლესიის პირეის მიტროპოლიტმა სერაფიმემ განაცხადა, რომ რომის კათოლიკური ეკლესია არ არის ქრისტეს ეკლესია.

ქადაგების დროს ეპისკოპოსმა თქვა, რომ როდესაც იმპერატორ კონსტანტინეს დროს „ქრისტეს ეკლესია გამოვიდა კატაკომბებიდან სინათლეში“ და ხელისუფლების მხრიდან ღია დევნა შეწყდა გარკვეული ხნით, „გაჩნდა კიდევ ერთი მზაკვრული მტერი, ეკლესიის შიგნით: სასტიკი, მწარე ერესები, სიმართლის გარყვნა ეკლესიის მსახურების მიერ.

მისი თქმით, „ეპისკოპოსებმა, პატრიარქებმა, წარმოსახვითი რწმენის მქონე ადამიანებმა“, „ამ სამყაროს ბოროტი მმართველის, ეშმაკის“ გავლენის ქვეშ მყოფებმა, მართლმადიდებლობაში შეიტანეს „ტყუილი, სიცრუე, გარყვნილება“, რათა გაენადგურებინათ ქრისტეს აღდგომის ცნება.

„ერესებმა შეავიწროვეს ეკლესია, მათ ჯვარს აცვეს ეკლესია. მათ გაანადგურეს სახარების ჭეშმარიტება დიდ ერებში. მათ მოახერხეს პენტარქიის ერთიანობის დანგრევა, რომელიც ათასი წლის განმავლობაში აკეთილშობილებს ადამიანთა ზნე-ჩვეულებებს და, სამწუხაროდ, დაიპყრეს დასავლეთის უძველესი საპატრიარქო - რომი“, - განაცხადა ეპისკოპოსმა.

იგი აცხადებდა, რომ ერეტიკოსებმა „აიღეს იგი და გადააქციეს ფეოდალურ, ავტოკრატიულ და ოლიგარქიულ რეჟიმად“. რომმა, მისი სიტყვებით, „შეწყვიტა ქრისტეს ეკლესიად არსებობა, უარყო მხსნელი ჭეშმარიტება და გახდა ჰეგემონია, ფეოდალიზმი, ძალაუფლება“.

მანამდე მჟკ წერდა, რომ პირეის მიტროპოლიტ სერაფიმეს თქმით, ვატიკანი ერეტიკული პარასინაგოგაა.