"პრორუსული პაპი": პო-მა გამორიცხა ვატიკანის მონაწილეობა რუსეთის ფედერაციასთან შუამავლობაში

ზელენსკიმ თქვა, რომ რომის პაპ ფრანცისკეს „პრორუსულობის“ გამო ვატიკანი ვეღარ განიხილება როგორც შუამავალი რუსეთის ფედერაციასთან მოლაპარაკებების პროცესში. ამის შესახებ პრეზიდენტის ოფისის სპიკერმა მიხაილ პოდოლიაკმა ,,24 არხზე’’ განაცხადა.

„აზრი არ აქვს რომის პაპზე, როგორც შუამავალზე საუბარს, თუ ის პრორუსულ პოზიციას დაიკავებს, რომელიც ყველასთვის სრულიად აშკარაა. ეს არ იყო პირველი შემთხვევა, მაგრამ თავიდან ეს ყველაფერი რაღაცნაირად აირია. ანუ ჩვენ არ შევიმჩნიეთ, მაგრამ დღეს ცხადია, რომ ადამიანი პრორუსულ პოზიციას იკავებს. და, შესაბამისად, ეს ძალიან უარყოფითად აისახება ომზე“, - განაცხადა პოდოლიაკმა.

მისი თქმით, რომის პაპმა ფრანცისკემ გაანულა ვატიკანის რეპუტაცია და, შესაბამისად, ეს არის „აბსოლუტური გაუქმება ნებისმიერი შუამავლობის მისიისა, რომელიც ვატიკანს შეეძლო შეესრულებინა“.

„ბოლოს და ბოლოს, თუ ადამიანი აშკარად ხელს უწყობს რუსეთის უფლებას მოკლას სხვა ქვეყნის მოქალაქეები სხვა სუვერენულ ტერიტორიაზე, ეს არის ომის ხელშეწყობა. ჩვენ უბრალოდ ყველაფერს შესაბამისი სახელი უნდა დავარქვათ. ამიტომ ვატიკანს არ შეიძლება ჰქონდეს შუამავლის ფუნქცია, რადგან ეს იქნება ფუნქცია, რომელიც მოატყუებს უკრაინას ან სამართლიანობას“, - განაცხადა პრეზიდენტის ოფისის სპიკერმა.

ის ასევე ირწმუნება, რომ პაპი „გააგრძელებს კათოლიციზმის გავლენის გაუქმებას ზოგადად მსოფლიოზე“.

მანამდე მჟკ წერდა, რომ პაპის თქმით, მან ისაუბრა რუსეთის სიდიადეზე, რადგან მისი მემკვიდრეობა მშვენიერია.