პესჩანოში მეუ-ს რეიდერებმა უმე-ს ტაძარში ღვთისმსახურების დროს მიტინგი გამართეს

2023 წ. 3 სექტემბერს პოლტავის ოლქის სოფელ პესჩანოეს უმე-ს მიძინების ტაძარში ლიტურგიის დაწყებისთანავე სპორტული აღნაგობის მამაკაცთა ჯგუფი შევარდა, რომელმაც ჩაშალა მსახურება და მოაწყო მიტინგი მრევლის მეუ-ში გადაყვანის მოთხოვნით. ამის შესახებ იუწყება უმე-ს კრემენჩუგის ეპარქიის პრეს-სამსახური.

პროვოკაციაში ძირითადად  კიროვოგრადის ოლქის სოფელ ვლასოვკას მოსახლეობა მონაწილეობდა. წინასწარი მონაცემებით, ისინი იყვნენ საწარმოს «Королівський смак»-ის  თანამშრომლები, რომლის ხელმძღვანელობამ მოაწყო ეს აქცია.

„აქტივისტებს“ თან ახლდა „5 არხის“ გადამღები ჯგუფი.

ჩამოსულები აგრესიულად იქცეოდნენ. მათ მოიტანეს პლაკატები პოლიტიკური ლოზუნგებით, შეურაცხყოფას აყენებდნენ მღვდელს და მრევლს, იყენებდნენ უცენზურო სიტყვებს. რეიდერებმა ტაძრის მეუ-ში „გადასვლაზე“ „კენჭისყრა“ გამართეს, შემდეგ კი განაცხადეს, რომ თავიანთ „გადაწყვეტილებას“ მრევლის იურისდიქციის შეცვლის შესახებ ხელისუფლების ორგანოებს გადასცემენ.

ტაძრიდან გამოსულმა მეუ-ს მომხრეებმა მიტინგი ეზოში გააგრძელეს.

მანამდე მიძინების ტაძრის საძმომ უკრაინის მართლმადიდებელი ეკლესიის მიმართ თავისი ერთგულების შესახებ განაცხადა.

როგორც მჟკ იუწყებოდა, 2023 წ. 5 სექტემბერს რეიდერთა ჯგუფმა მეუ-ს „მღვდლის“ ვიტალი მატიაშჩუკის მეთაურობით კიევის მიკრორაიონ ბორტნიჩში ბოქლომები გატეხა და უმე-ს ტაძარი მიიტაცა.