მიტროპოლიტი კლიმენტი: მის უნეტარესს კიევ-პეჩერის ლავრაში შესვლა აუკრძალეს
კულტურის სამინისტრომ დაამტკიცა სიები, რომლითაც სამართალდამცავები ლავრის ტერიტორიაზე უშვებენ ხალხს.
მიტროპოლიტმა კლიმენტმა, უმე-ის სინოდალური საინფორმაციო-საგანმანათლებლო დეპარტამენტის თავმჯდომარემ ისაუბრა კიევ-პეჩერის ლავრაში დაშვების სისტემაზე. ამის შესახებ გამოცემა „Strana“ იტყობინება.
მისი თქმით, ეროვნული რეზერვის მიერ წარმოდგენილმა კულტურის სამინისტრომ, შეადგინა იმ პირთა სიები, რომლებიც ლავრას ტერიტორიაზე დაიშვებიან. ამ სიაში მხოლოდ ბერების წოდების მქონე სასულიერო პირები შედიან. მონასტრის სემინარიელები და სხვა მორჩილები სიაში არ შეუყვანიათ. ნაკრძალის დირექტორმა ამ ადამიანებს განუცხადა, რომ თუკი ისინი დატოვებენ კიევ-პეჩერის ლავრას, უკან აღარ დაიშვებიან.
„ასევე, ლავრის ტერიტორიაზე შესვლა აეკრძალა უმე-ის წინამძღვარს, მიტროპოლიტ ონუფრის და უმე-ის საქმეთამმართველს, მიტროპოლიტ ანტონის“, - ამბობს მიტროპოლიტი კლიმენტი.
უმე-ის იერარქმა განაცხადა, რომ სამართალდამცავებმა დალუქეს რამდენიმე საწყობი, სადაც საკვები ინახებოდა.
„ლავრას ტერიტორიაზე არის მარნები, სადაც საკვები ინახება. რამდენიმე დღის წინ სამართალდამცავი ორგანოს თანამშრომლებმა დალუქეს ეს შენობა და ახლა ამ საწყობებთან წვდომა არ გვაქვს“, - განაცხადა მან.
მიტროპოლიტმა კლიმენტმა ხაზგასმით აღნიშნა, რომ მიუხედავად ნაკრძალის ხელმძღვანელობის მტკიცებისა, რომ მან გაწყვიტა ყველა შეთანხმება უმე-თან, ყველა კომუნალური გადასახადის გადახდა გრძელდება უკრაინის მართლმადიდებლური ეკლესიის მიერ.
როგორც მჟკ იტყობინება, ადრე მიტროპოლიტმა კლიმენტმა აღნიშნა, რომ კიევ-პეჩერის ლავრიდან ბერების გამოსახლების მცდელობებს სამართლებრივი საფუძველი არ აქვს.
