წინამძღვარი: განსაცდელები მოდის ადამიანის ქრისტესგან განსაშორებლად
მისმა უნეტარესმა მიტროპოლიტმა ონუფრიმ ხაზგასმით აღნიშნა, რომ როდესაც განსაცდელი მოდის ქრისტიანის ცხოვრებაში, მან უნდა განსაჯოს, იქნება თუ არა მისი არჩევანი ღვთის ნების შესაბამისად.
ეკლესიამ არაერთხელ გაიარა განსაცდელის ჟამი და ყველა ის განსაცდელი, რომლის გადატანაც მორწმუნეებს უწევთ, რაღაცნაირად აშორებს ადამიანს ქრისტეს. ამის შესახებ უწმინდესმა, კიევისა და სრულიად უკრაინის მიტროპოლიტმა ონუფრიმ თქვა წმინდა დიდმოწამისა და მკურნალის, პანტელეიმონის დღესასწაულზე გამართულ ღვთისმსახურებაზე.
უნეტარესმა აღნიშნა, რომ წმიდა პანტელეიმონი „ახერხებდა ღმერთი ისე ძლიერ ყვარებოდა, რომ მზად იყო სიცოცხლე გაეცა, ოღონდ მას არ დაშორებოდა“.
„მოწამეებს სხვადასხვა ცდუნების წინაშე აყენებდნენ: უარი თქვით ღმერთზე და იქნებით ბედნიერი, მდიდარი, გამორჩეული“, - თქვა წინამძღვარმა. „მან (წმ. პანტელეიმონი, - რედ.) უარყო ყველაფერი, არ სურდა ღვთისადმი სიყვარული რაიმე მიწიერი ძღვენითა და ნეტარებით შეეცვალა“.
მისი უნეტარესის თქმით, როდესაც ცდილობენ ადამიანი ღმერთს განაშორონ, „როგორც წესი, მას რაღაც ვირტუალურ ნეტარებებს უხატავენ: ბედნიერებას, წარმატებებს და ა.შ. ”მაგრამ ბედნიერება და სიკეთე ადამიანისთვის მხოლოდ ღმერთშია. ღმერთი არის როგორც ბედნიერების, ასევე სიკეთის, სიცოცხლის, სიყვარულის და მშვიდობის წყარო. ჩვენ არ შეგვიძლია ღმერთს განვეშოროთ, ვისთან ერთადაც ბედნიერები ვართ და დავუახლოვდეთ ისეთ რამეს, რაც მიმზიდველია, მაგრამ მასში ბედნიერება არ არის“.
მან ხაზგასმით აღნიშნა, რომ როდესაც ცხოვრებაში განსაცდელებს ვაწყდებით, ქრისტიანმა უნდა განსაჯოს, იქნება თუ არა მისი არჩევანი ღვთის ნების შესაბამისად: „თუ ეს არ შეურაცხყოფს ღმერთს, არ განმაშორებს ქრისტეს სიყვარულს, მაშინ მე ამას ვაკეთებ. თუ ეს განმაშორებს ქრისტეს სიყვარულს, მაშინ ადამიანმა თავი უნდა შეიკავოს და საჭიროების შემთხვევაში იტანჯოს კიდეც. ასეთი კანონი ყოველთვის არსებობდა სამყაროში, ის ჯერ კიდევ არსებობს და იარსებებს მუდამ.
„უფალი წმიდა დიდმოწამისა და მკურნალი პანტელეიმონის ლოცვით დაგვეხმარება, ვიაროთ მის მიერ განვლილ გზაზე: ღვთის სიყვარულის გზაზე, ღვთისადმი ერთგულების გზაზე, რათა მარადიულ სიცოცხლეში პატივი მივიღოთ, პატივი რომელიც მას მიაგეს - ქრისტეს, ჩვენი ღმერთის სასუფეველში ყოფნით“, - დალოცა მრევლი წინამძღვარმა.
როგორც მჟკ იუწყებოდა, მისმა უნეტარესმა მიტროპოლიტმა ონუფრიმ საზეიმო წირვა აღავლინა მფარველობის დღესასწაულთან დაკავშირებით ფეოფანიაში, წმინდა პანტელეიმონის მონასტერში.
